અમદાવાદ : અમદાવાદ શેહરની ફાયર NOC વિનાની 893 રહેણાંક-બિનરહેણાક અને કોમર્શિયલ ઇમારતોને નોટિસ પાઠવવામાં આવી હોવાની હકીકત ફાયર વિભાગ તરફથી એક સોગંદનામા મારફતે હાઇકોર્ટ સમક્ષ રજૂ કરવામાં આવી છે.જેમાં જણાવવામાં આવ્યું છે કે હાઇકોર્ટના આદેશ મુજબ ફાયર NOC વિનાની ઇમારતો વિરૂદ્ધ કાર્યવાહી હાથ ધરવામાં આવી છે.જેના ભાગરૂપે ૬૩૦ રહેણાંક,૨૩૯ રહેણાક કમ કોમર્શિયલ અને ૨૪ કોમર્શિયલ ઇમારતોને ૨૫મી જૂનના રોજ નોટિસ પાઠવવામાં આવી છે.
સોગંદનામામાં જણાવવામાં આવ્યું છે કે ૬૩૦ રહેણાક અને ૨૩૯ રહેણાક કમ કોમર્શિયલ ઇમારતોને છેલ્લી નોટિસ પાઠવવામાં આવી છે અને જણાવવામાં આવ્યું છે કે તેમના પાણી અને વિજળીના પુરવઠા કાપી કાઢવામાં આવશે.જે અંતર્ગત સંબંધિત વિભાગોને પણ ફાયર વિભાગને સહકાર આપવા માટેની જાણ કરી દેવામાં આવી છે.તે ઉપરાંત અન્ય ૨૬ કોમર્શિયલ ઇમારતોને કે જેમની જોડે ફાયર NOC નથી તે પૈકી ૨ ઇમારતોને રિન્યુઅલ મેળવી લીધું છે.બાકીની ૨૪ ઇમારતોને સીલ મારવા માટેની નોટિસ ફટકારી દેવામાં આવી હતી.જેમાંથી નવ ઇમારતોએ રિન્યુઅલની અરજી કરી દીધી છે.જેથી હવે કુલ ૧૫ કોમર્શિયલ ઇમારતો ફાયર NOC વિનાની છે.જે પૈકી સાત ઇમારતો કે જેમાં કુલ ૩૨૦ યુનિટ છે તેમને સીલ કરવામાં આવી છે.અન્ય બાકીની ઇમારતોની સીલીંગની કાર્યવાહી હજુ પ્રગતિમાં છે.
અગાઉ આ મામલે સુનાવણીમાં ચીફ જસ્ટિસની ખંડપીઠે અમદાવાદ મ્યુ.કોર્પોરેશન સહિતની મહાનગરપાલિકાઓની કામગીરી પ્રત્યે નારાજગી વ્યક્ત કરી હતી.ખંડપીઠે મનપાની એફિડેવિટ રેકર્ડ પર લેતાં આદેશમાં નોંધ્યું હતું કે,‘જે વ્યક્તિઓ કે એકમો NOC અને BUની અમલવારી ન કરતાં હોય અથવા તો નોટિસના જવાબ ન આપતાં હોય તેમની સામે AMCએ આકરા પગલાં લેવા જોઇએ.એટલું જ નહીં કાયદાની અવમાનના કરનાર અથવા તો નોટિસને નજરઅંદાજ કરનાર સામે ક્રિમીનલ કાર્યવાહી કરવાની શક્યતાઓ પણ AMC એ ચકાસવી જોઇએ
