દિલ્હી : ફુટબોલ પ્લેયર ક્રિસ્ટિયાનો રોનાલ્ડોના એક નાનકડાં પગલાંથી કોકા-કોલાને ભારે નુકસાન સહન કરવું પડ્યું.હંગેરી વિરુદ્ધ પોર્ટુગલ ટીમની યુરો ૨૦૨૦ની મેચ પહેલાં એક પ્રેસ કોન્ફરન્સ દરમિયાન રોનાલ્ડોએ કોકા-કોલાની બોટલ પોતાની સામેથી હટાવી હતી.જે બાદ કોકા-કાલાને ૨૯,૩૦૦ કરોડ રૂપિયાનું નુકસાન થયું હતું.
ક્રિસ્ટિયાનો રોનાલ્ડો એક વૈશ્વિક ખેલાડી છે.ક્રિસ્ટિયાનો રોનાલ્ડો પ્રેસ-કોન્ફરન્સમાં કોલ્ડ ડ્રિંકની બોટલ જોઈને રોષે ભરાયો હતો અને કહ્યું હતું કે, કોલ્ડ ડ્રિંક નહીં,આપણે પાણી પીવાની ટેવ નાંખવી જોઇએ.ભલે કોકા-કોલા યુરો ૨૦૨૦નાં સ્પોન્સરમાંથી એક છે,પરંતુ તેમ છતાં રોનાલ્ડોએ આવું કર્યું અને તમામને આની જગ્યાએ પાણી પીવાનો આગ્રહ કર્યો.વૈશ્વિક ફુટબોલ સુપરસ્ટારના આ પ્રકારના સૂચનથી કોકા-કોલા બ્રાન્ડને ૪ બિલિયન અમેરિકી ડોલર એટલે કે ૨૯,૩૦૦ કરોડ રૂપિયાનો ફટકો પડ્યો.
મીડિયા રિપોર્ટ અનુસાર, આ ઘટના બાદ કોકા-કોલાના શેરની કિંમત $56.10થી ઘટીને $55.22 થઇ ગઇ.કોકા-કોલાના શેરમાં ૧.૬ ટકાનો ઘટાડો થયો.જે બાદ બ્રાન્ડની બજાર કિંમત $242bnથી $238bn થઇ ગઇ.રોનાલ્ડોના આ પગલાંથી કોકા-કોલા કંપની વિરુદ્ધ માહોલ બન્યો અને આની અસર કંપનીના શેરોની કિંમત પર પડી.
