(પીટીઆઇ) નવી દિલ્હી, તા. ૧૪ : ફેબુ્રઆરીમાં રીટેલ ફુગાવો વધીને ૬.૦૭ ટકા રહ્યો છે.જે છેલ્લા આઠ મહિનાની ઉચ્ચ સપાટી છે.સળંગ બીજા મહિને રિટેલ ફુગાવો ૬ ટકાથી વધારે રહ્યો છે. ઉલ્લેખનીય છે કે ૬ ટકાથી વધુના રિટેલ ફુગાવાને આરબીઆઇના કમ્ફર્ટ ઝોનથી ઉપર ગણવામાં આવે છે.ફેબુ્રઆરીમાં ખાદ્ય વસ્તુઓના ભાવ વધવાને કારણે રીટેલ ફુગાવામાં વધારો જોવા મળ્યો છે.
ઉલ્લેખનીય છે કે ફેબુ્રઆરી, ૨૦૨૧માં કન્ઝ્યુમર પ્રાઇસ ઇન્ડેક્સ(સીપીઆઇ) આધારિત ફુગાવો ૫.૦૩ ટકા રહ્યો હતો.જ્યારે જાન્યુઆરી, ૨૦૨૨માં રીટેલ ફુગાવો ૬.૦૧ ટકા રહ્યો હતો.આ અગાઉ જૂન, ૨૦૨૧માં રીટેલ ફુગાવો ૬.૨૬ ટકા રહ્યો હતોે.
ઉલ્લેખનીય છે કે આરબીઆઇ ઇચ્છે છે કે રીટેલ ફુગાવો ૬ ટકાથી ઉપર ન જાય.ઉલ્લેખનીય છે કે રિઝર્વ બેંક ઓફ ઇન્ડિયા દ્વિમાસિક નાણાકીય નીતિ ઘડતી વખતે ન્ઝ્યુમર પ્રાઇસ ઇન્ડેક્સ(સીપીઆઇ) આધારિત રીટેલ ફુગાવાને ધ્યાનમાં લેતી હોય છે.
ઉલ્લેખનીય છે કે વધતા જતા ફુગાવાને ધ્યાનમાં રાખીને અને વિકાસને ટેકો આપવા માટે આરબીઆઇએ મે, ૨૦૦૦ પછી મહત્ત્વપૂર્ણ નીતિગત દરોમાં કોઇ ફેરફાર કર્યો નથી.આરબીાઇએ સમગ્ર નાણાકીય વર્ષ ૨૦૨૧-૨૨ માટે રીટેલ ફુગાવો ૫.૩ ટકા રહેવાનો અંદાજ વ્યક્ત કર્યો છે.આ ઉપરાંત સમગ્ર નાણાકીય વર્ષ ૨૦૨૨-૨૩ માટે રીટેલ ફુગાવોે ૪.૫ ટકા રહેવાનોે અંદાજ વ્યક્ત કર્યો છે.
