દિલ્હી : સોમવારે રાત્રે ફેસબુક,ઇન્સ્ટાગ્રામ અને વોટ્સએપની સેવાઓ 6 કલાક માટે ઠપ થઇ ગઇ હતી.સેવા ખોરવાતાં દુનિયાભરમાં હોબાળો મચી ગયો હતો.તેના કારણે ફેસબુકના શેરમાં પણ 5 ટકાનો કડાકો જોવા મળ્યો અને કંપનીને 7 અબજ ડોલર (52,100 કરોડ રૂપિયા)નો મોટો ફટકો પડ્યો છે.ફેસબુકમાં 2008 પછી આ સૌથી મોટી ટેક્નીકલ ખામી છે. 2008માં ફેસબુક એક વાયરસની ઝપેટમાં આવ્યું હતું અને સાઇટ 24 કલાક સુધી ઠપ રહી હતી.તે સમયે ફેસબુકના યુઝર્સ 10 કરોડ પણ નહોતા. જ્યારે અત્યારે વિશ્વમાં ફેસબુક યુઝર્સની સંખ્યા અબજોમાં છે.
ફેસબુકના સીઈઓ માર્ક ઝુકરબર્ગે યુઝર્સને પહોંચેલી પરેશાની માટે માફી માંગી છે.ફેસબુક એક નિવેદન જારી કરી રહ્યું છે કે તે દુનિયાભરના લોકો અને વ્યવસાયીને થયેલી મુશ્કેલી માટે ખેદ વ્યક્ત કરે છે.કંપની તમામ એપ્સ અને સેવાઓને પુનસ્થાપિત કરવા માટે સખત મહેનત કરી રહી છે.જોકે, ફેસબુકે જણાવ્યું નથી કે આ ટેક્નિકલ ખામીનું કારણ શું છે.યુઝર્સનું કહેવું છે કે સોમવારે રાત્રે ફેસબુક,વોટ્સએપ કે ઇન્સ્ટાગ્રામની વેબસાઇટ કે એપ ખોલવા પર સર્વર એરરનો મેસેજ આવી રહ્યો હતો.
સોશિયલ સાઇટ્સની ટેક્નિકલ ખામીઓ પર નજર રાખનારી ડાઉનડિટેક્ટર કોમનું કહેવું છે કે, આ ટેક્નિકલ સમસ્યા વિશ્વના તમામ ભાગોમાં સામે આવી છે,પરંતુ તે કહી શકાય નહીં કે, કેટલા યુઝર્સ તેનાથી પ્રભાવિત થયા હશે.નેટવર્ક મોનિટરિંગ સાઇટ થાઉઝન્ડ આઇસ કહે છે કે આ સમસ્યા કદાચ ડીએનએસ ફેલરના કારણે થઇ છે.
આ ગ્લૉબલ આઉટેજના કારણે ફેસબુકના સીઇઓ માર્ક ઝકરબર્ગની સંપતિમાં સાત બિલિયન ડૉલર એટલે કે લગભગ 52190 કરોડ રૂપિયાથી વધુનુ ગાબડુ પડી ગયુ.સાથે જ કંપનીની રેવન્યૂમાં 80 મિલિયન ડૉલર એટલ કે લગભગ 596 કરોડ રૂપિયાથી વધુનુ નુકસાનની આશંકા બતાવવામાં આવી રહી છે. Facebook, WhatsApp, Messenger અને Instagram ઠપ થવાના કારણે આખી દુનિયાની અર્થવ્યવસ્થાને દરકલાકે લગભગ 160 મિલિયન ડૉલર એટલે કે 1192.9 કરોડ રૂપિયાથી વધુનુ નુકસાન ઉઠાવવુ પડ્યુ.
સમાચાર અજેન્સી રોઈટર્સના જણાવ્યા મુજબ વહાર્ટસપ અને ફેસબુક ડાઉન થવા પાછળ 13 વર્ષિય ચાઈનીઝ હેકર સન જિ શુનો હાથ હતો જેને ઝુકરબેર્ગના વહાર્ટસપ અને ફેસબુકના તમામ સર્વર શટ ડાઉન કરી દીધા હતા.આ હેકરના પગલે દુનિયાભરમાં ઇન્સ્ટાગ્રામ,એફબી અને વહાર્ટસપ સતત છ કલાક સુધી બંધ રહ્યું હતું.અને ફેસબુકના ખંધા હૅકર્સ અને ટીમ આ સર્વરને અપ કરવામાં તનતોડ મેહનત કરી હતી.
