ન્યૂયોર્કથી દિલ્હી જતી એર ઈન્ડિયાની ફ્લાઈટમાં એક વૃદ્ધ મહિલા સહ-યાત્રી પર પેશાબ કરવાના આરોપમાં શંકર મિશ્રાની દિલ્હી પોલીસે બેંગલુરુથી ધરપકડ કરી છે.દિલ્હી પોલીસના સૂત્રોએ જણાવ્યું કે, આ કેસમાં વધુ તપાસ માટે શંકર મિશ્રાને દિલ્હી લાવવામાં આવ્યો છે.અનેક દરોડા પાડ્યા બાદ તેની ધરપકડ કરવામાં આવી હતી. 3 જાન્યુઆરીએ તેણે પોતાનો ફોન સ્વિચ ઓફ કરી દીધો હતો અને તેનું છેલ્લું લોકેશન બેંગલુરુ હતું.
એર ઈન્ડિયાના પાયલટ અને કો-પાયલટ સહિત કર્મચારીઓને શુક્રવારે સમન્સ મોકલવામાં આવ્યા હતા,પરંતુ તેઓ હાજર થયા ન હતા.શુક્રવારે સૂત્રોએ જણાવ્યું હતું કે, હવે તેમને 7 જાન્યુઆરીએ સવારે 10:30 વાગ્યે ડેપ્યુટી કમિશનર ઓફ પોલીસ (એરપોર્ટ)ની ઓફિસમાં બોલાવવામાં આવ્યા છે.અગાઉ મહારાષ્ટ્ર અને બેંગલુરુમાં દિલ્હી પોલીસની ટીમોએ દરોડા પાડ્યા હતા અને આરોપી ફરાર થયા બાદ તેના સંબંધીઓ સહિત વિવિધ લોકોની પૂછપરછ કરી હતી.
પીડિતને વળતર તરીકે 15 હજાર રૂપિયા આપવામાં આવ્યા હતા
આરોપી શંકર મિશ્રાના વકીલોએ તેના બચાવમાં દલીલો કરી હતી.વકીલોએ દાવો કર્યો છે કે, શંકર મિશ્રાએ મહિલાને વળતર તરીકે 15,000 રૂપિયા આપ્યા હતા.વકીલોનું કહેવું છે કે, શંકરે મહિલાના કપડા પણ ધોયા બાદ પરત કર્યા હતા.જો કે, શંકર અને પીડિતાની પુત્રી વચ્ચેની વોટ્સએપ ચેટથી જાણવા મળ્યું કે, પરિવારે પૈસા પરત કરી દીધા છે.
આરોપીએ માફી માગી હતી
મહિલાએ ક્રૂના સભ્યો પર એવો પણ આરોપ લગાવ્યો
કે વારંવાર અનુરોધ કરવામાં આવ્યો છતાં તેની સીટ ન બદલી દેવાઈ.ક્રૂના સભ્યોએ તેમણે જણાવ્યું કે પાયલટે સીટ બદલવાની વાતનો સ્પષ્ટ ઈનકાર કરી દીધો છે.લગભગ 20 મિનિટ સુધી ઊભા રહ્યાં બાદ તેમણે મને એક નાની સીટ બેસવા માટે આપી. જ્યાં તે લગભગ બે કલાક સુધી બેઠી રહી.તેમનો આરોપ છે કે તેમણે ઈનકાર કર્યો છતાં પણ ક્રૂના સભ્યોએ તેમની સામે આરોપીને ઊભો રાખ્યો.આરોપીએ તેમની સામે જ પોતાના કૃત્ય માટે માફી માગવા લાગ્યો અને કહેવા લાગ્યો કે આ વાતની ફરિયાદ પોલીસને ન કરવામાં આવે.તેમણે તે વાતની પણ દુહાઈ આપી કે આ ઘટનાથી તેમના સ્વજન પર પણ અસર પડી શકે છે.
