બારડોલી : સુરત જિલ્લાના પલસાણા તાલુકાનાં બલેશ્વર ગામની સીમમાં ખાડી કિનારે પોલીસે કતલ કરવાના ઇરાદે લવાયેલ 2 ગૌવંશ સાથે એક વ્યક્તિને ઝડપી પાડ્યો હતો.જ્યારે ત્રણ વ્યક્તિને વોંટેડ જાહેર કર્યા હતા.આ વ્યક્તિઓ ગૌવંશનું કતલ કરી ગૌમાસ વેચવાની ફિરાકમાં હતા જોકે પોલીસે બાતમીના આધારે તેમને ઝડપી લઈ આગળની કાર્યવાહી હાથ ધરી છે.આ અંગે મળતી માહિતી અનુસાર પલસાણા પોલીસ સ્ટાફના માણસો પેટ્રોલીંગમાં હતા.તે સમયે તેમને બાતમી મળતા તેમણે બલેશ્વર ગામની સીમમાં આવેલ ઢોડીયુ વાળો ખાડી કિનારે ખુલ્લી જગ્યામાં રેડ કરી હતી.તે દરમ્યાન ત્યાં એક બળદ અને એક વાછરડાના ચારેય પગ ટૂંકા દોરડા વડે ક્રૂરતા પૂર્વક બાંધેલ નજરે પડ્યા હતા.અને ઘટના સ્થળેથી પોલીસે ત્યાં હાજર એક વ્યક્તિ ઉકાભાઈ ગુણવંતભાઈ રાઠોડ (હાલ રહે, બલેશ્વર ગામ, તળાવ ફળિયું, મૂળ રહે, લીંગડ ગામ, તા-પલસાણા) ને ઝડપી પાડ્યો હતો.અને આ બળદ અને વાછરડા અનેગ પૂછતાં તેણે જણાવ્યુ હતું કે બલેશ્વર ગામે તળાવ ફળિયામાં રહેતો સમીર ભગત આ બળદ અને વાછરડુ તેના ઘરેથી ઉકા રાઠોડ સાથે અંહી લાવેલ અને હનીફ તેમજ તેનો છોકરો (રહે, બલેશ્વર ગામ, સાઈ ટેકરા ફળિયું, તા-પલસાણા) ત્યાં આવી આ બળદ અને વાછરડાનું ગૌમાસ માટે કતલ કરી લઈ જશે મુજબનું જણાવ્યુ હતું.તથા ત્યાંથી એક સીબીઝેડ મો.સા નંબર જીજે-21-આર-6359 કિંમત રૂ, 30 હજારની કબ્જે કરી હતી.પોલીસે બળદ અને વાછરડાને ધોળાપીપળા ગૌચરમાં છોડવાની તજવીજ હાથ ધરી છે.તેમજ સમીર ભગત, હનીફ તથા તેના છોકરાને પોલીસે વોંટેડ જાહેર કરી ગુનો નોંધી આગળની કાર્યવાહી હાથ ધરી છે.
બલેશ્વરમાં કતલ કરવા લવાયેલ 2 ગૌવંશ સાથે એક ઝડપાયો, ત્રણ વોંટેડ
