– બારડોલી પોલીસ સ્ટેશનમાં ઉદય શાહ લેખિત ફરિયાદ આપવામાં આવી
બારડોલી : પોલીસ સમન્વય નામની ચાલતી સંસ્થાના બારડોલીના યુથ ઓરેસિડેન્ટ ઉદય શાહનો આખરે ભાંડો ફૂટ્યો હતો.જાતે પોલીસ બની લોકોમાં રુઆબ મારતા ઉદય શાહે સભ્ય બનાવવાના નામે લાખો રૂપિયા સંસ્થાની જાણ બહાર ઉસેટી લેવાનું આખું પ્રકરણ બહાર આવ્યું હતું. જેને પગલે સંસ્થાના અન્ય હોદ્દેદારો અને સભ્યો ઉદય શાહના ઘરે પહોંચ્યા હતા અને તેમની પાસે સમગ્ર પ્રકરણનો હિસાબ માગતા ભારે વિવાદ બાદ પોલીસ સ્ટેશનમાં ઉદય શાહ વિરુદ્ધ લેખિત ફરિયાદ કરી હોવાનું જાણવા મળ્યું છે.
બારડોલી સહિત સમગ્ર દક્ષિણ ગુજરાતમાં પોલીસ સમન્વય નામની એક સંસ્થામાં કાર્યરત હોઈ જે સંસ્થા પોતે પોલીસેને મદદ કરતી હોવાનો દાવો કરે છે.જેના યૂથ ઓરિએંટેડ પ્રમુખ ઉદય શાહે બારડોલી સહીત જિલ્લાભરમાં પોતે પોલીસ અધિકારી હોય એવો માહોલ ઊભો કર્યો હતો અને સાથે જ પોલીસ સમન્વયમાં લોકોને જોડવા માટેની તરકીબ શરૂ કરી હતી.સંસ્થામાં જોડાવા માટે માત્ર 5 હજાર રૂપિયા ફી હતી.પરંતુ ઉદય શાહ ગ્રાહક જોઈ પડીકા બાંધતો હોય તેમ સભ્યોની પરિસ્થિતિ મુજબ લાખો રૂપિયા પડાવ્યાનું હોવાનો આક્ષેપ સંસ્થાઓએ સભ્યોએ કર્યો હતો.
પોલીસ સમન્વયના હોદ્દેદારોનું માનીએ તો ઉદય શાહે ધીમે ધીમે બારડોલીમાં સભ્યો બનાવવાની શરૂઆત કરી હતી.તેણે પુરુષો અને મહિલાઓ મળી ૧૨થી વધુ સભ્યો પાસે મોટી રકમ વસૂલી હોવાના આરોપ લગાવવામાં આવી રહ્યા છે.૧૦ હજારથી લઇને લાખો રૂપિયા સુધી ફી પેટે પૈસા વસૂલ્યા હતા.સંસ્થાના નિયમ વિરુદ્ધ ઉદય શાહે સભ્યો બનાવવાના નામે છેતરપિંડી કરી પૈસા વસૂલ્યા હોવાનું સભ્યોને જાણવા મળતા ગત રાત્રે મહિલા પ્રમુખ હિના ભક્ત સાથે અન્ય સભ્યો ઉદય શાહના ઘરે ગયા હતા અને પૈસાનો હિસાબ માગ્યો હતો.સંસ્થાના મહિલા પ્રમુખ હિન ભક્તએ જણાવ્યુ હતું કે, પોલીસ સમન્વયના સભ્યો આમ તો પોલીસના મદદગાર કહેવાય છે,પરંતુ ઉદય શાહ પોતે જાણે પોલીસ અધિકારી હોય એવું વર્તન કરતો હતો.લોકોમાં એવી જ ઓળખ પણ ઉભી કરી હતી.અમે સભ્યોએ ભેગા મળી ગત રાત્રે જ બારડોલી પોલીસ મથકમાં લેખિતમાં ઉદય શાહ વિરુદ્ધ તપાસ માટે અરજી પણ આપી હતી.
