બારડોલી : બારડોલી શહેરમાં ચોરોએ ફરી એક વખત તરખાટ મચાવ્યો છે.ત્રણ અલગ અલગ સોસાયટીમાં ચોરો ત્રણ બંધ મકાનોને નિશાન બનાવી લાખોની મત્તાની ચોરી કરી ફરાર થઈ ગયા હતા.વારંવાર થતી ચોરીની ઘટનાએ પોલીસ પેટ્રોલીંગના ધજાગરા ઊડી ગયા હતા.બારડોલીના પાઠક ફળિયામાં રહેતા કેયૂર અમરત પારેખ ગતરોજ અમદાવાદ પત્ની અને સંતાનોને લેવા માટે ગયા હતા.આજે બુધવારે કેયૂર પરિવાર સાથે ઘરે આવતા જ તેમના ઘરના મુખ્ય દરવાજાનું તાળું તૂટેલું નજરે પડ્યું હતું.અંદર જઈને જોયું તો ઘરમાં કબાટો ખુલ્લા હતા અને તમામ સામાન વેરવિખેર પડ્યો હતો.તપાસ કરતાં મકાનમાંથી 12.50 ગ્રામની સોનાની ચેન,3 ગ્રામની બુટ્ટી,3 જોડી ચાંદીના સાંકળા મળી અંદાજિત 75 હજાર રૂપિયાની ચોરી થઈ હોવાનું જાણવા મળ્યું હતું.આ અંગે પોલીસને જાણ કરવામાં આવી હતી.
બારડોલીમાં ત્રણ બંધ મકાનોને નિશાન બનાવી તસ્કરો લાખોની મત્તા ચોરી ગયા
