બીલીમોરા : નવસારી જિલ્લાના બીલીમોરા શહેર ભાજપે વિવિધ મોરચાની જાહેરાત કરી હતી.જેમાં શહેર ભાજપ મહિલા મોરચાનાં પ્રમુખપદે જાણીતી સમાજ સેવિકા સોનલ દેસાઈની વરણી કરાઈ હતી.જેને કારણે ભાજપ પરીવાર સહીત બીલીમોરા લેડીઝ કલબ, અનાવિલ મંડળ સહિત પ્રશંસકો માં આનંદ વ્યાપી ગયો હતો.
ભારતીય જનતા પાર્ટીના બંધારણ મુજબ પક્ષમાં અલગ-અલગ મોરચાઓ કાર્યરત છે. વર્ષોથી ભાજપમાં કાર્યરત અને સક્રિય ચહેરાઓને તેમની કામગીરી મૂલ્યાંકનને આધીન મહત્વની જવાબદારીઓ સોંપવામાં આવે છે.બીલીમોરા શહેર ભાજપ મહીલા મોરચાનાં પ્રમુખપદે સોનલબેન આનંદભાઈ દેસાઈ (ઘાસવાલા) ની નિમણૂક કરાઈ હતી.સોનલ દેસાઈ ભાજપનાં સક્રિય કાર્યકર સાથે બીલીમોરા લેડીઝ કલબનાં પ્રમુખ,બીલીમોરા અનાવિલ મંડળનાં ડિરેકટર સહીત અનેક સેવાભાવી સંસ્થાઓ સાથે સંકળાયેલા છે. તેમની સાથે મહીલા મોરચાનાં ઉપપ્રમુખપદે જ્યાબેન મિસ્ત્રી,ફાલ્ગુની શાહ,ઉર્વશી પાટીલ, મહામંત્રીપદે રીટા ઈંટવાલા,મંત્રી પદે આકૃતિ મહેતા,તનુજા પટેલ અને વૈશાલી વાડિયા તેમજ કોષાધ્યક્ષ નમિતા મહેતાની વરણી કરાઈ હતી.બીલીમોરા શહેર ભાજપ પ્રમુખ વિજય પટેલ,કાવેરી સુગરનાં ચેરમેન આનંદ દેસાઈ સહિત અગ્રણીઓએ મહિલા મોરચા સહિત તમામ મોરચા નાં નવનિયુક્ત હોદ્દેદારો ને શુભેચ્છાઓ પાઠવી હતી.
