– 30થી વધુ દેશના હજારો લોકોએ આ ઈન્ડિયા ડે પરેડમાં હિસ્સો લીધો
વોશિંગ્ટન, તા. 15 ઓગષ્ટ 2022, સોમવાર : અમેરિકાના ઐતિહાસિક શહેર બોસ્ટનમાં ભારતની આઝાદીના 75 વર્ષ પૂર્ણ થવા નિમિત્તે પ્રથમ વખત ઈન્ડિયા ડે પરેડનું આયોજન થયું હતું.આ દરમિયાન 220 ફૂટ ઉંચો અમેરિકા-ભારતનો ઝંડો સૌના આકર્ષણનું કેન્દ્ર બન્યો હતો.ભારત અને અમરિકાની વિવિધતાને દર્શાવતા આ કાર્યક્રમમાં દેશભક્તિના ગીતો ગાવામાં આવ્યા હતા અને 30થી વધુ દેશના હજારો લોકોએ આ ઈન્ડિયા ડે પરેડમાં હિસ્સો લીધો હતો.
પૂર્વ ભારતીય ક્રિકેટ પણ જોડાયા
પૂર્વ ભારતીય ક્રિકેટર આર.પી. સિંહ પણ આ કાર્યક્રમમાં સામેલ થયા હતા.તેમાં મેસાચુસેટ્સ તથા ન્યૂ ઈંગ્લેન્ડના અનેક નેતાઓએ ભાષણ આપ્યું હતું.ફેડરેશન ઓફ ઈન્ડિયન એસોસિએશન્સ-ન્યૂ ઈંગ્લેન્ડના અધ્યક્ષ અભિષેક સિંહના કહેવા પ્રમાણે બોસ્ટનમાં પ્રથમ વખત ઈન્ડિયા ડે પરેડનું આયોજન થયું જે ઐતિહાસિક સ્તરે સફળ રહી છે.તેનો સંપૂર્ણ શ્રેય શહેરમાં વસતા ભારતીય-અમેરિકન્સના ફાળે જાય છે.
