કામરેજ : સુરત જિલ્લાના કામરેજ ખાતે હરીવીલા સોસાયટીમાં રહેતી 18 વર્ષીય યુવતી ઘરેથી
બ્યુટીપાર્લરમાં જવાનું કહી નીકળ્યા બાદ ગુમ થઈ જતાં પરિવારજનોએ કામરેજ પોલીસ સ્ટેશનમાં જાણ કરી છે.
આ અંગે મળતી માહિતી મુજબ કામરેજ ખાતે નનસાડ રોડ ઉપર આવેલ હરીવીલા સોસાયટીમાં મકાન નંબર-57માં રહેતા અને મૂળ અમરેલી જિલ્લાના જીથુડી ગામના વતની જયસુખભાઇ કાળુભાઇ વઘાસીયા કે જેઓ મંડપ સર્વિસનો વ્યવસાય કરી પરિવારનું ગુજરાન ચલાવે છે.તેમની 18 વર્ષીય પુત્રી હાર્મીબેન કે જે ઘરેથી બ્યુટીપાર્લરમાં જવાનું કહીને નીકળી હતી.ત્યારબાદ તે પરત ઘરે ન આવતા પરિવારજનોએ તેની શોધખોળ શરૂ કરી હતી પરંતુ આજદિન સુધી તેની કોઈ ભાળ ન મળતા આખરે યુવતીના પિતાએ કામરેજ પોલીસ સ્ટેશનમાં ગુમ થવા અંગે ફરિયાદ નોંધાવી છે.
