ભારતમાં વ્યાપાર સાથે જોડાયેલી મની લોન્ડ્રિંગની ગતિવિધિઓ દ્વારા અંદાજિત ૮૩.૫ અબજ ડોલરની રકમની ચોરી કરવામાં આવે છે
નવી દિલ્હી: વ્યાપાર દ્વારા કાળા નાણાંને સફેદ કરવામાં ભારત દુનિયાના ૧૩૫ દેશોની યાદીમાં ત્રીજા સ્થાને છે. અમેરિકન રિસર્ચ ઈન્સ્ટીટ્યૂટ ગ્લોબલ ફાઈનાન્સ ઈન્ટિગ્રિટી (GFI)ના મંગળવારે રજૂ થયેલા એક રિપોર્ટ અનુસાર, ભારતમાં વ્યાપાર સાથે જોડાયેલી મની લોન્ડ્રિંગની ગતિવિધિઓ દ્વારા અંદાજિત ૮૩.૫ અબજ ડોલરની રકમની ચોરી કરવામાં આવે છે. GFIએ કોષના ગેરકાયદેસરના પ્રકારથી અયોગ્ય રીતે કમાણી, પૈસાને સ્થાનાંતરિક કરવા અને આંતરરાષ્ટ્રીય સીમા પર ઉપયોગ કરવાના રૂપમાં વર્ગીકૃત કર્યું છે. ગેરકાયદેસર રીતે રૂપિયાના પ્રવાહના મુખ્ય સ્ત્રોતોમાં ભ્રષ્ટાચાર, વાણિજિયક ટેકસ ચોરી અને ઈન્ટરનેશનલ સ્તરના ગુના આવે છે. GFIના રિપોર્ટ ‘૧૩૫ વિકાસશીલ દેશોમાં વ્યાપાર સંબંધિત નાણાંકિય પ્રવાહ ૨૦૦૮-૧૭’ રિપોર્ટમાં કહેવામાં આવ્યું છે કે, આ બાબતે ચીન ૪૫૭.૭ અબજ ડોલરની રકમની ટેકસ ચોરી સાથે પ્રથમ સ્થાને આવે છે. ત્યારબાદ મેકિસકો (૮૫.૩ અબજ ડોલર), ભારત (૮૩.૫ અબજ ડોલર), રશિયા (૭૪.૮ અબજ ડોલર) અને પોલેન્ડ (૬૬.૩ અબજ ડોલર)નો નંબર આવે છે. રિપોર્ટમાં ઉદાહરણ આપતા જણાવવામાં આવ્યું છે કે, માદક પદાર્થોના ગેરકાયદેસર વ્યાપાર કરનારા ગ્રુપ મની લોન્ડ્રિંગની ટેકનીક દ્વારા નાર્કોટિકસના વેચાણમાંથી મળેલી રકમનો ઉપયોગ કારોની ખરીદીમાં કરે છે અને તેને ડ્રગના સ્ત્રોત દેશોમાં નિકાસ કરવામાં આવે છે અને વેચવામાં આવે છે. આ રીતે આ એક ગેરકાયદેસરનો નાણાંકીય પ્રવાહ થયો. GFIના વરિષ્ઠ અર્થશાસ્ત્રી રિક રાવડને કહ્યું કે, એવી રકમ જેના પર ટેકસ નથી ચૂકવાયો, અને આશય છે કે, આયાતકરો અને નિકાસકારોના દેશોની સરકારો તરફથી તેના પર યોગ્ય રીતે ટેકસ ચૂકવવામાં લગાવાયો નથી. રાવડને કહ્યું કે, આ કારણ છે કે, અમારું માનવું છે કે, વ્યાપારમાં બિલોમાં મૂલ્યની સાચી જાણકારી ન આપવી એક મોટી સમસ્યા છે. આનાથી વ્યાપારમાં એખે મોટી રકમ પર ટેકસ લાગતો નથી. આનાથી દેશોને અબજો ડોલર્સનું નુકસાન થાય છે.
