– પાનોલીના ટેકરા ફળિયા અને ભરૂચના ખાટકીવાડમાં પોલીસના દરોડા
– 9 છરા,કુહાડી,સળિયા,વજન કાંટા,મોબાઈલ સહિતનો મુદ્દામાલ કબ્જે કરાયો હતો
ભરૂચ શહેરના નાના ખાટકીવાડમાંથી બી ડીવીઝન પોલીસે 410 કિલો ગૌમાસ સાથે 4 કસાઈઓને ઝડપી પાડ્યા હતા.જ્યારે પાનોલીમાં પણ ટેકરા ફળિયામાં દરોડામાં 490 કિલો ગૌમાસ સાથે 4 કસાઈઓને ઝબ્બે કરાયા હતા.
ભરૂચ બી ડીવીઝન પોલીસ મથકનો સ્ટાફ પેટ્રોલીંગમાં હતો તે દરમિયાન બાતમી મળી હતી કે, ભરૂચના નાના ખાટકીવાડમાં રહેતો અબ્દુલ હક્ક અબ્દુલ અઝીઝ કુરેશી પોતાના ઘરે ગાયની કતલ કરી રહ્યો છે.જેવી બાતમીના આધારે પોલીસે દરોડા પાડ્યા હતા.પોલીસે સ્થળ પરથી કતલ કરેલ બે ગાયનું માસ અને બે છરા,સળીયો સહિતના સાધનો કબજે કર્યા હતા અને બે ગાયનું માસ મળી કુલ 410 કિલો ગૌમાસનો જથ્થો કબ્જે કર્યો હતો.પોલીસે પશુચિકિત્સકને સ્થળ પર બોલાવતા જેઓએ તમામ જથ્થો ગૌ માસ હોવાનો અભિપ્રાય આપ્યો હતો.
બી ડિવિઝન પોલીસે મદીના હોટલ પાસે નાના ખાટકીવાડ ખાતે રહેતો અબ્દુલ હક્ક અબ્દુલ અઝીઝ કુરેશી,ઈસ્માઈલ અબ્દુલ અઝીઝ કુરેશી,ફહીમ જુબેર મરચંદ,એઝાઝ સલીમ કુરેશીને ઝડપી પાડી તમામ ઝડપાયેલા ઈસમો વિરુદ્ધ પશુ સંરક્ષણ સુધારા અધિનિયમની કલમ મુજબ ગુનો નોંધી તપાસ હાથ ધરી છે.પાનોલી પોલીસે અંકલેશ્વર તાલુકાના પાનોલી ગામના ટેકરા ફળિયામાંથી ગૌ માંસના જથ્થા સાથે 4 કસાઈઓને રૂપિયા 61 હજારથી વધુના મુદ્દામાલ સાથે ઝડપી પાડી તપાસ હાથ ધરી છે.
અંકલેશ્વર તાલુકાના પાનોલી ગામના ટેકરા ફળિયામાં રહેતો અજીજ મહમંદ ગુલામશા દિવાન પોતાના ઘરની પાછળ ગૌ વંશનું કતલ કરી રહ્યો છે જેવી બાતમીના આધારે પાનોલી પોલીસે દરોડા પાડ્યા હતા.પોલીસે સ્થળ પરથી 3 કુહાડી, 7 છરા અને વજન કાંટો તેમજ 490 કિલો ગૌ માસનો જથ્થો કબજે કર્યો હતો
તમામ જથ્થો ગૌ માસ હોવાનું પ્રાથમિક દ્રષ્ટ્રીએ માલુમ પડતા પોલીસે તેના સેમ્પલ લઇ એફ.એસ.એલ.સુરત ખાતે પરીક્ષણ અર્થે મોકલી આપ્યા હતા અને ગૌમાંસ તેમજ 3 ફોન, સાધનો મળી કુલ 61 હજારથી વધુનો મુદ્દામાલ કબજે કર્યો હતો.સાથે જ અજીજ મહમંદ ગુલામશા દિવાન,બસીર ઈસ્માઈલ ગુલામ દિવાન,અફજલ અજીજ મહમંદ દિવાન અને ઈમ્તિયાઝ ઐયુબ મહમંદ નૌરાતને ઝડપી પાડી તમામ ઝડપાયેલા ઈસમો વિરુદ્ધ પશુ સંરક્ષણ સુધારા અધિનિયમની કલમ મુજબ ગુનો નોંધી તપાસ હાથ ધરી છે.
