સુરત : ગુજરાતમાં હાલમાં રેમડેસિવિર ઈન્જેક્શનની બૂમ ઉઠી છે.આ દરમિયાન ભાજપના પ્રદેશ પ્રમુખ સી.આર.પાટીલ દ્વારા સુરતમાં ભાજપ કાર્યાલય ઉપર પાંચ હજાર ઈન્જેક્શનનું વિતરણ કરાતા તેની સામે કોંગ્રેસે અનેક સવાલ ઉઠાવી સાંસદ અને ભાજપ પ્રદેશ પ્રમુખ સી.આર. પાટીલ સામે ઇન્જેક્શનની વહેંચણી બાબતે ફોજદારી ધારા ભંગ અને સરકાર જાહેરનામા ભંગ બદલ ગુનો નોંધવા માંગ કરી છે.ત્યારે આજે કોંગ્રેસના પૂર્વ વિપક્ષના નેતા પરેશ ધાનાણીએ રેમડેસિવિર ઈન્જેક્શનનું ખોટી રીતે વિતરણ કરવા બદલ ભાજપના પ્રમુખ સી.આર.પાટીલ વિરુદ્ધ હાઈકોર્ટમાં પિટિશન દાખલ કરી છે.
ગુજરાત વિધાનસભા વિરોધપક્ષના નેતા પરેશ ધાનાણીએ ગુજરાત હાઇકોર્ટમાં ગુજરાત ભાજપ પ્રમુખ સી. આર પાટીલ સામે જાહેર હિતની 36 પાનાની અરજી કરી છે.તેમાં ગુજરાત સરકાર અને સુરતના ધારાસભ્ય હર્ષ સંધવી સામે “અન-ઓથોરાઝ઼ડ ડિસ્ટીબ્યુશન ઓફ રેમડેસિવિર ઇન્જેકશન” ના મુદ્દે જવાબ માંગતા મુદ્દા ઉઠાવવામાં આવતા આ પ્રકરણ ટોક ઓફ ધ ગુજરાત બન્યું છે.
અત્રે ઉલ્લેખનીય છે કે સુરતમાં સી.આર પાટીલ દ્વારા 5000 રેમડેસિવિર ઈન્જેક્શન વિતરણ મામલે મુખ્યમંત્રી રૂપાણીએ શનિવારે પ્રેસ-કોન્ફરન્સમાં જણાવ્યું હતું કે સી.આર પાટીલે ઈન્જેક્શનની વ્યવસ્થા ક્યાંથી કરી એ વિશે તેમને જ પૂછો.સરકારમાંથી એકપણ ઈન્જેક્શન અમે આપ્યું નથી.તેમણે કહ્યું, ગુવાહાટીથી જે આવી રહ્યું છે એની સાથે સરકારને કંઈ લાગતુંવળગતું નથી.આમ ભાજપ માં જ આંતરિક મતભેદો વચ્ચે હવે કોંગ્રેસે પણ તપાસ ની માંગ કરતા મામલો ગરમાયો છે.
એક તરફ ગુજરાતભરમાં જ્યા રેમડેસિવિર ઈન્જેક્શનની અછત વર્તાઈ રહી છે,અને લોકોને ઈન્જેક્શન લેવા લાંબી લાઈનોની જફામાં પડવુ પડે છે.ત્યાં ભાજપના પ્રદેશ પ્રમુખે પોતાના હોમટાઉન સુરતમાં ઈન્જેક્શનની લ્હાણી કરી હતી.જેના બાદ રાજકારણ ગરમાયુ હતું. પ્રદેશ અધ્યક્ષ ક્યાંથી અને કેવી રીતે ઈન્જેક્શન લાવ્યા અને તેઓ કેવી રીતે આ રીતે ઈન્જેક્શન વહેંચી શકે તે મુદ્દે તેઓ વિવાદમાં આવ્યા હતા.ત્યારે હવે આ મુદ્દો ગુજરાત
હાઈકોર્ટમાં પહોંચ્યો છે.ગુજરાત હાઇકોર્ટમાં સીઆર પાટીલના રેમડેસિવિર ઇન્જેકશન મુ્દ્દે અરજી કરવામાં આવી છે.
પ્રમુખ જણાવે કે દવાનો જથ્થો ક્યાંથી આવ્યો
કોંગ્રેસના નેતા પરેશ ધાણાનીએ હાઈકોર્ટમાં ભાજપના પ્રદેશ પ્રમુખ સી.આર.પાટીલ સામે અરજી કરી છે.સુરતમાં સી.આર પાટીલે ઈન્જેક્શનનો જથ્થો ફાળવાતા hc માં અરજી કરાઈ છે.સીઆર પાટીલ સામે થયેલી અરજીમાં અનેક સવાલો ઉઠાવાયા છે. ફાર્મસીના લાઇસન્સ સિવાય કોઈપણ વ્યક્તિ રેમડેસિવિરના કમ્પાઉન્ડ,મિક્સર અને દવા રાખી શકે નહિ,મેડિકલ તબીબ જ દર્દીઓને રેમડેસિવિર લખી શકે અને પોતાની પાસે રાખી શકે.દરેક વ્યક્તિ આ દવા મેન્યુફેક્ચર કરી શકતું નથી,ત્યારે પ્રદેશ પ્રમુખ પાસે આ દવાનો જથ્થો ક્યાંથી આવ્યો તેવા સવાલો અરજીમાં કરાયા છે.
ધારાસભ્ય હર્ષ સંઘવી પણ લપેટામાં
આજે કોંગ્રેસના પૂર્વ વિપક્ષના નેતા પરેશ ધાનાણીએ રેમડેસિવિર ઈન્જેક્શનનું ખોટી રીતે વિતરણ કરવા અંગે ભાજપના પ્રમુખ સી.આર.પાટીલ વિરુદ્ધ હાઈકોર્ટમાં પિટિશન દાખલ કરી છે.સાથે જ સી.આર. પાટીલ સામે ઇન્જેક્શનની વહેંચણી બાબતે ફોજદારી ધારા ભંગ અને સરકાર જાહેરનામા ભંગ બદલ ગુનો નોંધવા માંગ કરી છે.સીઆર પાટીલ સામે જાહેર હિતની 36 પાનાની અરજી કરી છે.જેમાં સુરતના ધારાસભ્ય હર્ષ સંધવીનો પણ ઉલ્લેખ કરાયો છે.બંને સામે “અન-ઓથોરાઝ઼ડ ડિસ્ટીબ્યુશન ઓફ રેમડેસિવિર ઇન્જેકશન” ના મુદ્દે જવાબ માંગતા મુદ્દા ઉઠાવવામાં આવ્યા છે.
ઉલ્લેખનીય છે કે, ભાજપના પ્રદેશ પ્રમુખ સી.આર.પાટીલે સુરતમાં 5000 ઈન્જેક્શનનું વિતરણ કર્યું હતું.જેના બાદથી તેઓ વિવાદમાં આવ્યા છે.
