ભાજપના નેતાઓને જ આમંત્રણ નહીં માત્ર ભીડ ભેગી કરવાનું જ કામ

– ગમે તે કરો, લોકોને એકઠા કરો

– નમસ્તે કાર્યક્રમમાં આવવાને બદલે નેતાઓનેભીડ ભેગી કરવાનું કામ સોપાયું

નમસ્તે ટ્રમ્પ કાર્યક્રમમાં લાખો લોકોની ભીડ એકઠી કરવી ભાજપ-સરકરા માટે પડકારરૂપ બન્યુ છે. ડોનાલ્ડ ટ્રમ્પના વારંવાર રટણને પગલે મોટી જનમેદની ભેગી કરવા સામે પડકાર સર્જાતાં ભાજપના નેતાઓને નમસ્તે કાર્યક્રમનુ આમંત્રણ અપાયુ જ ન હતું બલ્કે ભીડ ભેગી કરવાનુ જ કામ સોંપાયુ હતું.

ડોનાલ્ડ ટ્રમ્પે એવું રટણ કર્યુંકે,અમદાવાદમાં મને આવકારવા માટે 70 લાખ લોકો એકઠાં થવાના છે. આ ક્ષણ જોવા હું ખુબ જ આતુર છું.અમેરિકન પ્રેસિડેન્ટના કથન બાદ ભાજપ માટે પ્રતિષ્ઠાનો સવાલ બન્યો હતો.

આ ઉપરાંત આમંત્રણ કાર્ડની વહેચણીમાં ય એવા છબરડાં સર્જાયા હતાં કે,છેલ્લી ઘડી સુધી મંત્રી-ધારાસભ્યોને ય કાર્ડ મળી શક્યા ન હતાં. આ તરફ,ભાજપના ઘણાં નેતાઓને નમસ્તે ટ્રમ્પમાં જવા ઇચ્છા હતી પણ તેઓને ય આમંત્રણ કાર્ડ મળ્યા ન હતાં.

ભાજપના નેતાઓને મોટેરા સ્ટેડિયમમાં ભાષણ સાંભળવાને બદલે ભીડ ભેગી કરવાના કામે લગાડવામાં આવ્યા હતાં. કોઇપણ ભોગે મોટેરા સ્ટેડિયમ અને રોડ શોમાં લોકોને લાવવા એ મોટો પડકાર હતો. છેલ્લા દિવસ સુધી ભાજપના નેતાઓ ભીડ એકત્ર કરવાના  કામે લાગ્યા હતાં. નેતાઓને રીતસર લોકો લાવવા ટાર્ગેટ અપાયા હતાં