દક્ષિણ ગુજરાત ગઢ ભાજપનો ગઢ ગણાય છે.આદિવાસી બહુલ વિસ્તારને બાકાત રખાય તો શહેરી વિસ્તારોમાં ભાજપ વન વે હજારોની લીડ સાથે જીતી જાય છે.વડોદરા અને સુરતમાં તો ભાજપનો દબદબો છે.આ વખતે માહોલ બદલાયો છે.વડોદરામાં ભાજપ માટે બળવાખોરો તો સુરતમાં આપ માથાનો દુખાવો બની છે.
વડોદરામાં દિનુમામા અને મધુ શ્રીવાસ્તવ ભાજપને ટક્કર આપી રહ્યાં છે
વડોદરામાં દિનુમામા અને મધુ શ્રીવાસ્તવ ભાજપને ટક્કર આપી રહ્યાં છે.સ્થાનિક નેતાઓની ટિકિટ કાપવા મામલે પણ અહીં નારાજગી જોવા મળી છે. સુરતની 12 સીટો કબજે કરવા માટે પીએમ મોદી છેલ્લા 17 કલાકથી સુરતમાં ધામા નાખીને બેઠા છે. ભાજપ માટે ચિંતાનો વિષય વરાછા,ઓલપાડ અને કતારગામ છે.જે બેઠકો ભાજપનો અને પાટીદારોનો ગઢ ગણાય છે.અહીં ભાજપને આપ ટક્કર આપી રહી છે.અલ્પેશ કથિરિયા સહિતના પાટીદાર યુવાનો ભાજપથી નારાજ થઈ આપમાં જોડાઈ ચૂંટણીમાં ઉભા રહેતાં ભાજપના તમામ ગણિતો ખોરવાઈ ગયા છે.પાટીલ અને સંઘવી સુરતમાં નારાજગી રોકી શક્યા નથી.
આ છે માનનીય પ્રધાનમંત્રી શ્રી @narendramodi સાહેબ માટે લોકોનો સ્નેહ….લોકોનો વિશ્વાસ !
આપનાં કહેવાતા ગઢમાં ઉમટ્યા હજ્જારો લોકો….
“મોદી…મોદી…!”નાં નારાથી ગૂંજી ઉઠ્યું વરાછા !#ભરોસો_તો_ભાજપનો#ભરોસાની_ભાજપ_સરકાર pic.twitter.com/4PQLDuBgd7
— C R Paatil (@CRPaatil) November 27, 2022
પાટીલ અને સંઘવી સુરતમાં નારાજગી રોકી શક્યા નથી
મોદીએ સમગ્ર મામલો હાથમાં લઈ પાટીદોરોને સમજાવવાના પ્રયાસો કરી રહ્યાં છે.ભાજપ ભલે આપને ગણકારતી ના હોય પણ ખુદ પ્રદેશ અધ્યક્ષ સી આર પાટીલ કબૂલી ચૂક્યા છે કે વરાછા એ આમ આદમી પાર્ટીનો ગઢ છે.ગઈકાલે મોદીની રેલીમાં આપના કહેવાતા ગઢ વરાછામાં મોદીને જબરદસ્ત સમર્થન હોવાનું કહી એ માની ચૂક્યા છે કે ભાજપ માને છે કે વરાછામાં ભાજપને તકલીફ પડી શકે છે.
