ભાજપે આજે ગુજરાત વિધાનસભા માટે પોતાના ઉમેદવારોનું પહેલું લિસ્ટ જાહેર કરી દીધું છે.ત્યારે આ વખતે 38 હાલના ધારાસભ્યોની ટિકિટ કપાઈ છે.જ્યારે 2017માં કોંગ્રેસની ટિકિટ પર ચૂંટણી લડેલા 7 ઉમેદવારોને આ ચૂંટણીમાં ભાજપે ટિકિટ આપી છે.વડોદરા જિલ્લાના વાઘોડિયાની બેઠક પર છેલ્લા છ ટર્મથી જીતતા આવતાદબંગ નેતા અને ધારાસભ્ય મધુ શ્રીવાસ્તવની આ વખતે ટિકિટ કપાઈ છે,અને તેમના બદલે અશ્વિન પટેલને ટિકિટ આપવામાં આવી છે.
વાઘોડિયા બેઠક પરથી તેમની ટિકિટ કપાતા મધુ શ્રીવાસ્તવ બગડ્યા છે.તમને જાહેરાત કરી છે કે તેઓ અપક્ષ ચૂંટણી લડશે.તેમણે કહ્યું કે ભાજપે કીધા પછી મારી ટિકિટ કાપી છે તેથી કાર્યકરો નારાજ થયા છે માટે મારે અપક્ષ ચૂંટણી લડવી પડશે.ઉલ્લેખનીય છે કે, તાજેતરમાં મધુ શ્રીવાસ્તવે નિવેદન આપ્યું હતું કે, વાઘોડિયાની બેઠક પરથી પત્નીને ચૂંટણી લડાવી શકું છું.ત્યાર બાદ થોડા દિવસ પહેલા પાર્ટી મને જ ટિકિટ આપશે એવો હુંકાર કરનાર ધારાસભ્ય મધુએ અચાનક પોતાનું નિવેદન ફેરવી દીધું હતું.
