ગુજરાત વિધાનસભાની ચૂંટણી મેદાને ઉતારવા માટે ભાજપે ઉમેદવાર પસંદગી કરવા દિલ્હીમાં મંથન શરૃ કરવા તૈયારીઓ આદરી છે.તા.૯-૧૦મીએ વડાપ્રધાન નરેન્દ્ર મોદીના વડપણ હેઠળ કેન્દ્રીય પાર્લામેન્ટ્રી બોર્ડની બેઠક મળવા જઇ રહી છે.આ વખતે જૂનાજોગીઓ જ નહીં,વયોવૃધ્ધ વર્તમાન ધારાસભ્યોને ઘેર બેસાડવાનુ લગભગ નક્કી છે તે જોતાં ૧૨થી વધુ વર્તમાન ધારાસભ્યોને ભાજપ ફરજિયાત રાજકીય નિવૃતિ આપે તેવી શક્યતા જોવાઇ રહી છે.વડાપ્રધાન મોદી અને અમિત શાહ સ્વચ્છ પ્રતિભા ધરાવતા યુવા અને નવા ચહેરાને પ્રાધાન્ય આપે તેવુ જાણવા મળ્યુ છે.
વયોવૃધ્ધ ધારાસભ્યોને તો ભાજપે ઘેર બેસાડવાનુ નક્કી કર્યુ
ગુજરાતમાં વિધાનસભાની ચૂંટણીમાં આ વખતે ત્રિકોણિયો જંગ ખેલાશે તે જોતાં ભાજપે ઉમેદવાર પસંદગીમાં ખુબ જ કાળજી રાખવાનુ નક્કી કર્યુ છે.બે ત્રણ ટર્મથી જીતનારા ધારાસભ્યોની તો બાદબાકી થાય તો નવાઇ નહી,પણ વયોવૃધ્ધ ધારાસભ્યોને તો ભાજપે ઘેર બેસાડવાનુ નક્કી કર્યુ છે અને તેમના સ્થાને યુવા-નવા ચહેરાને ધારાસભ્ય બનવાની તક અપાશે. ૧૦થી વધુ ધારાસભ્યો એવા છેકે,શારીરીક રીતે અશક્ત,બીમાર ઉપરાંત ઉંમરને કારણે ધારાસભ્ય તરીકે કામ કરવા સમક્ષ નથી.
ત્રણથી વધુ ટર્મ ઉપરાંત ઉંમર નડી શકે
પૂર્વ મહેસૂલ મંત્રી કૌશિક પટેલ હૃદયની બાયપાસ સર્જરી બાદ શારીરિક રીતે સક્ષમ નથી.ત્રણ ટર્મથી ચૂંટાતા અને ૬૦થી વધુ વયના પૂર્વ શિક્ષણ મંત્રી ભૂપેન્દ્રસિંહ ચુડાસમાને પણ ભાજપ ટિકિટ આપવાના મતમાં નથી.દસક્રોઇના ધારાસભ્ય બાબુ જમના પટેલ અને વિધાનસભાના સ્પિકર ડો. નિમાબેન આચાર્યને પણ ત્રણથી વધુ ટર્મ ઉપરાંત ઉંમર નડી શકે છે.આ બંને ધારાસભ્યોને ભાજપે હવે રાજકીય વિદાય આપવાનુ નક્કી કર્યુ છે.વિધાનસભાના ડે.સ્પિકર જેઠા ભરવાડને લઇને શહેરામાં વિરોધ થઇ રહયો છે પણ ઉંમર અને ટર્મને જોતા તેમને નિવૃતિ અપાશે.ધારાસભ્ય જીતુ સુખડિયાએ તો પક્ષ નિવૃતિ આપે તે પહેલાં જ ચૂંટણી મેદાન છોડયુ છે અને ચૂંટણી નહી લડવા જાહેરાત કરી છે.
યુવા- નવા ચહેરાને ધારાસભ્ય બનવાની ભાજપ તક આપશે
કુલ મળીને ૧૦થી વધુ જૂના જોગીઓને ઘેર બેસાડીને યુવા- નવા ચહેરાને ધારાસભ્ય બનવાની ભાજપ તક આપશે.વયોવૃધ્ધ ધારાસભ્યોએ ભલે દાવેદારી નોઁધાવી હોય પણ ભાજપ તેમને ટિકિટ આપશે નહી.
કયા કયા ધારાસભ્યોને ઉંમર-ટર્મના બહાને નિવૃત્તિ અપાશે.
– ભૂપેન્દ્રસિંહ ચુડાસમા
– બાબુ જમના પટેલ
– જીતુ સુખડિયા
– યોગેશ પટેલ
– આર.સી.ફળદુ
– જેઠા ભરવાડ
– દિલિપ ઠાકોર
– શંભુજી ઠાકોર
– કોશિક પટેલ
– જયદ્રથસિંહ પરમાર
– કરસન સોલંકી
– અભેસિંહ તડવી
– મોહન ઢોડિયા
– ડૉ. નીમાબહેન આચાર્ય
