ગુજરાત વિધાનસભાની ચૂંટણીને લઈને તમામ પક્ષો દ્વારા કવાયત હાથ ધરવામાં આવી છે.ત્યારે હવે દરેક પાર્ટી પોતાના જંજાવાતી પ્રચારમાં લાગી જશે.ત્યારે આવતી કાલથી ભાજપ પ્રથમ તબક્કાની બેઠકો પર શક્તિ પ્રદર્શન કરશે તેમજ દેશના વડાપ્રધાન નરેન્દ્ર મોદીએ પણ ગુજરાત આવી રહ્યા છે ત્યારે જરાતમાં ત્રણ દિવસના પ્રવાસ દરમિયાન અનેક સભા સંબોધશે તેમજ આ વખત ભારતીય જનતા પાર્ટી ડોર ટુ ડોર પ્રચાર કરતી જોવા મળી શકે છે.પીએમ મોદી બીજા તબક્કા પહેલા 2-3 ડિસેમ્બર ડોર ટુ ડોર કેમ્પેઈનમાં જોડાશે આ સિવાય અન્ય 52 નેતા વોટરોને વોટર સ્લિપ પણ આપશે
પીએમ મોદી સહિત અનેક નેતા ડોર ટુ ડોર પ્રચાર કરશે
વડાપ્રધાન નરેન્દ્ર મોદી 19,20,21 ત્રણ દિવસ ગુજરાત ચૂંટણી પ્રચાર માટે આવી રહ્યા છે.ત્યારે આ ત્રણ દિવસ તેઓ સૌરાષ્ટ્રમાં 8 જનસભાને સંબોધન કરશે તેમજ 19 તારીખે પીએમ મોદી વલસાડમાં જાહેરસભાને સંબોધીત કરશે.જે બાદ ને બીજા દિવસ 20 તારીખે વલસાડથી સોમનાથ જશે જ્યાં સોમનાથ મંદિરે સવારે 10 વાગે પૂજા અર્ચના કરશે.પૂજાની કામગીરી પતાવ્યા બાદ પીએમ મોદી 11 વાગે વેરાવળમાં જનસભા ને સંબોધશે.
19,20,21 ત્રણ દિવસ પીએમનો જંજાવાતી પ્રચાર
ભારતીય જનતા પાર્ટી આ વખતના પ્રચારના કામમાં લાગી ગઈ છે ત્યારે 20મી તારીખને 1 વાગે ધોરાજી માં જનસભાને સંબોધશે.તે બાદ 2.30 વાગે અમરેલીમાં સભા સંબોધશે અને 4.15 વાગે બોટાદમાં બેક ટુ બેક જનસભા સંબોધીને જંજાવાતી પ્રચાર કરશે જે બાદને બોટાદ થી ગાંધીનગર રાજભવન આવશે ત્યાં રાજભવન ખાતે પીએમ રાત્રી રોકાણ કરશે.પીએમ મોદીના ત્રીજા દિવસના કાર્યક્રમ 21મી તારીખે સુરેન્દ્રનગર પહોંચી 12 વાગે જનસભાને સંબોધશે જે બાદ 2 વાગે જંબુસર ખાતે પણ જનસભા કરશે તે બાદ 4 વાગે નવસારીમાં પણ જનસભાને સંબોધીત કરવામાં આવશે.
સુરતમાં ભાજપના સ્ટાર પ્રચારકો ધડબડાટી બોલાવશે, આવતી કાલે યોગી આદિત્યનાથ સહિત અનેક મોટા નેતાઓ સભા ગજવશે
– સુરતમાં યોગી આદિત્યનાથ,મનસુખ માંડવીયા,દેવેન્દ્ર ફડણવીસ સહીતના નેતાઓ આવશે
– સુરતની તમામ બેઠકો પર એક જ દિવસમાં ઝંઝાવાતી પ્રચારના ભાગરૂપે રેલી અને જાહેરસભાનું આયોજન
વિધાનસભાની ચૂંટણી માટે ઉમેદવારો જાહેર થઈ ચૂક્યા છે.ઉમેદવારી પત્રો ભરાઇ ગયા છે.અને તેની ઉમેદવારોના ફોર્મની ચકાસણી થઈ ગયા બાદ આજે ફોર્મ પરત ખેંચવાનો આખરી દિવસ હોઈ ત્યારબાદ ચિત્ર વધુ સ્પષ્ટ થઈ જશે.જો કે આ વચ્ચે તમામ પક્ષોએ ચૂંટણી પ્રચારના શ્રી ગણેશ પણ કરી દીધા છે.ત્યારે વિધાનસભા ચૂંટણીને લઈ ભાજપના રાષ્ટ્રીય અને રાજ્ય સ્તરના સ્ટારપ્રચારકોને મેદાનમાં ઉતારાને 18મી નવેમ્બરને શુક્રવારના રોજ ગુજરાતની તમામ 182 બેઠકો પર સભાઓ કરવાનું ભાજપનું આયોજન છે.જેમાં 18મીએ સુરતની તમામ 10 બેઠકો પર પણ સ્ટાર પ્રચારકો આવશે.આ દરમ્યાનમાં સુરત શહેરમાં સભા કરવાની વડાપ્રધાન નરેન્દ્ર મોદીને શહેર ભાજપે વિનંતી કરી છે,અને આગામી દિવસોમાં તેઓ ગુજરાત પ્રવાસે છે,ત્યારે અથવા ત્યાર બાદની તારીખો ફાળવવા માંગ કરી છે.
જાણવા મળ્યા મુજબ 18મીએ યુપીના મુખ્યમંત્રી યોગી આદિત્યનાથ,મહારાષ્ટ્રના ડે.સીએમ દેવેન્દ્ર ફડણવીસ,પુરુષોત્તમ રૂપાલા,મનસુખ માંડવીયા,સ્મૃતિ ઈરાની,ગડકરી સહિતના સ્ટાર પ્રચારકો ગુજરાતને એકજ દિવસે અલગ અલગ સમયે ધમરોળશે.જેમાં સુરતમાં યોગી આદિત્યનાથની સભા સહિત તમામ બેઠકો પર 18મીએ અલગ અલગ સમયે,મનસુખ માંડવીયા,દેવેન્દ્ર ફડણવીસ સહીતના નેતાઓ સભા કરતા જોવા મળશે.
આગામી 18 નવેમ્બરના રોજ ભાજપના 40 સ્ટાર પ્રચારકોની યાદી પૈકી રાષ્ટ્રીય અને રાજ્યકક્ષાના સ્ટાર પ્રચારકોની સુરતની 10 બેઠકો પર એકસાથે રેલી અને જાહેરસભાનુંઆયોજન કરવામાં આવ્યું છે.પરપ્રાંતિય મતદારોનું પ્રભુત્વ ધરાવતી ચોર્યાસી અને લિંબાયત,ઉધના બેઠકને આવરીને ઉત્તર પ્રદેશના મુખ્યમંત્રી યોગી આદિત્યનાથની જાહેરસભાનું આયોજન કરવામાં આવ્યું છે.તદ ઉપરાંત મહારાષ્ટ્રના ઉપમુખ્યમંત્રી દેવેન્દ્ર ફડણવીસ, કેન્દ્રીય મંત્રી પુરુષોત્તમ રૂપાલા,કેન્દ્રીય મંત્રી મનસુખ માંડવિયા સહિતના સ્ટાર પ્રચારકો દ્વારા સુરતની તમામ 10 બેઠકો પર એક જ દિવસમાં ઝંઝાવાતી પ્રચારના ભાગરૂપે રેલી અને જાહેરસભાનું સંબોધન કરવામાં આવશે.
