મુંબઈ : ક્રિસિલ રેટિંગ્સે સોમવારે તેના રિપોર્ટમાં કહ્યું હતું કે ભારતીય કંપનીઓના પ્રોફિટ માર્જિનમાં સતત Q1માં ત્રીજા ક્વાર્ટરમાં ઘટાડો જોવા મળશે તેવી શક્યતા છે.ચાલુ નાણાકીય વર્ષના પ્રથમ ક્વાર્ટર (Q1)માં પ્રોફિટ માર્જિન સરેરાશ 2-3 ટકા ઘટ્યા હોવાનો અંદાજ છે.ક્રિસિલે 300 કંપનીઓનું એનાલિસીસ કરીને આ રિપોર્ટ તૈયાર કર્યો છે.તેમાં ફાઈનાન્શિયલ સર્વિસીજ અને ઓઈલ-ગેસ સર્વિસીઝ કંપનીઓનો સમાવેશ નથી.ક્રિસિલે કહ્યું હતું કે તેણે એનાલિસીસ કર્યું છે તે પૈકી 47 ટકા કંપનીઓમાં માર્જિનમાં ઘટાડો થશે તેવી શક્યતા છે.
કંપનીઓની આવકમાં જૂન ક્વાર્ટરમાં 30 ટકા વૃદ્ધિનો અંદાજ છે.જોકે ખાસ્સી એવી વૃદ્ધિ ભાવવધારાને કારણે અને કેટલાક અંશે વોલ્યૂમમાં વધારાને કારણે જોવા મળશે.કન્સ્ટ્રક્શન સાથે જોડાયેલા સેક્ટરની કંપનીઓના ઓપરેટિંગ પ્રોફિટ માર્જિન સૌથી વધુ સરેરાશ 9.90 ટકા ઘટવાનો અંદાજ છે.ત્યાર પછીના ક્રમે ઈન્વેસ્ટમેન્ટ સાથે જોડાયેલી કંપનીઓના માર્જિન 2.60 ટકા ઘટવાનો અંદાજ છે.
સ્ટીલ સેક્ટરમાં માર્જિનમાં 15 ટકા જેવો ઘટાડો જોવા મળ્યો છે.આ કંપનીઓનો ઈનપુટ કોસ્ટ ખાસ્સો વધ્યો છે.કોકિંગ કોલ અને આયર્ન ઓરના ભાવ ખાસ્સા વધી ગયા છે અને તેના પ્રમાણમાં સ્ટીલના ભાવમાં વધારો મર્યાદિત કર્યો છે.પેટ્રોકેમિકલ્સ સેક્ટરમાં પણ માર્જિનમાં 15 ટકા જેવું ધોવાણ થયું હોવાનો અંદાજ છે.બીજી તરફ કન્ઝ્યુમર ડિસ્ક્રિશનરી સેક્ટર(પ્રોડક્ટ્સ અને સર્વિસીઝ)અને કન્ઝ્યુમર સ્ટેપલ્સ સર્વિસીઝ કંપનીઓના માર્જિનમાં 3 ટકા જેવો વધારો થયો હોવાનો અંદાજ છે.ખાસ કરીને એરલાઈન્સ સર્વિસીઝ,ટેલિકોમ સર્વિસીઝ,મીડિયા અને એન્ટરટેઈનમેન્ટ કંપનીઓના માર્જિનમાં વૃદ્ધિ જોવાશે.સુગર સેક્ટરની કંપનીઓની નફાકારકતા વધવાને કારણે કન્ઝ્યુમર સ્ટેપલ સર્વિસીઝ સેક્ટરના માર્જિન વધશે.
રિપોર્ટ અનુસાર ચાલુ નાણાકીય વર્,માં એબિટા માર્જિનમાં ઘટાડો 19-21 ટકા સુધી પહોંચી શકે છે અને તેનું મુખ્ય કારણ એનર્જી અને મેટલના ભાવમાં ખાસ્સો વધારો છે.મોટાભાગની કંપનીઓને આ બન્ને ભાવવધારાની ઈનપુટ કોસ્ટ અને ઉત્પાદન પર ખાસ્સી અસર થઈ છે.રશિયા-યુક્રેન યુદ્ધને કારણે નેચરલ ગેસ અને ક્રૂડ ઓઈલના ભાવ અસાધારણ વધ્યા છે અને વિવિધ મેટલમાં હજી પણ અનિશ્ચિતતા પ્રવર્તી રહી છે.
ઓટોમોબાઈલ કંપનીઓની આવકમાં 64-67 ટકાનો જોરદાર વધારો જોવા મળશે જેનું કારણ ગત વર્ષની નીચી બેઝ ઈફેક્ટ છે.તેમના રિયલાઈઝેશનમાં 22-27 ટકાનો વધારો થવાનો અંદાજ છે અને વોલ્યૂમમાં 30-35 ટકા વૃદ્ધિનો અંદાજ છે.એ જ રીતે સિમેન્ટ કંપનીઓની આવક જૂન ક્વાર્ટરમાં 20-22 ટકા વધવાની સંભાવના છે જેનું કારણ પણ ગત વર્ષના આ ગાળાની નીચી બેઝ ઈફેક્ટ છે.વોલ્યૂમ પણ નીચી બેઝ ઈફેક્ટને કારણે વધ્યું હોવાની સંભાવના છે.જોકે ત્રિમાસિક ધોરણે એટલે કે માર્ચના ક્વાર્ટરની સરખામણીમાં વોલ્યૂમ અને આવક બન્નેમાં ઘટાડાની સંભાવના છે.
