નવી દિલ્હી, તા. 29 એપ્રિલ 2022 શુક્રવાર : વડાપ્રધાન નરેન્દ્ર મોદીએ શુક્રવારે કહ્યુ કે ભારત એક મજબૂત અર્થવ્યવસ્થા તરફ આગળ વધી રહ્યો છે અને દેશમાં સેમી-કંડક્ટરનો વપરાશ 2030 સુધી 110 અરબ અમેરિકી ડોલરને પાર કરવાની આશા છે અને આ દુનિયાની સૌથી ઝડપથી વધતી સ્ટાર્ટ-અપ ઈકો-સિસ્ટમ છે.તેમણે કહ્યુ કે ભારત આગામી ટેકનોલોજી ક્રાંતિનુ નેતૃત્વ કરવા માટે તૈયાર છે અને અન્ય વસ્તુની સાથે જ 5જી માં ક્ષમતાઓને વિકસિત કરવામાં રોકાણ કરવામાં આવી રહ્યુ છે.સેમીકોન ઈન્ડિયા-2022 સંમેલનના ઉદ્ઘાટન સત્રમાં મોદીએ કહ્યુ, અમે ભારત માટે આગામી ટેકનોલોજી ક્રાંતિનુ નેતૃત્વ કરવાનો માર્ગ પ્રશસ્ત કરી રહ્યા છીએ.અમે છ લાખ ગામને બ્રોડબેન્ડ સાથે જોડવાની રાહ પર છીએ.અમે 5જી, ઈન્ટરનેટ ઓફ થિંગ્સ અને સ્વચ્છ ઊર્જા ટેકનોલોજીઓમાં ક્ષમતાઓના વિકાસમાં રોકાણ કરી રહ્યા છીએ.તેમણે કહ્યુ, ભારતમાં સેમી કંડક્ટરનો વપરાશ 2026 સુધી 80 અરબ ડોલર અને 2030 સુધી 110 અરબ ડોલરને પાર કરવાની આશા છે.દેશના આર્થિક સ્વાસ્થ્ય વિશે વડાપ્રધાને કહ્યુ કે ભારત દુનિયાના સૌથી ઝડપથી વધતા સ્ટાર્ટઅપ ઈકો-સિસ્ટમની સાથે મજબૂત આર્થિક વિકાસ તરફ અગ્રેસર છે, જ્યાં દરેક અઠવાડિયે નવા યુનિકોર્ન સામે આવી રહ્યા છે.
પીએમ મોદીનુ ઉદ્યોગ જગતને આહ્વાન
મોદીએ ઉદ્યોગ જગતને ભારતને વૈશ્વિક સેમી-કંડક્ટર પુરવઠા શ્રેણીમાં મુખ્ય ભાગીદારોમાંના એક રૂપમાં સ્થાપિત કરવા અને હાઈ-ટેક, ઉચ્ચ ગુણવત્તા અને ઉચ્ચ વિશ્વસનીયતાના સિદ્ધાંતના આધારે આ દિશામાં કામ કરવાનુ આહ્વાન કર્યુ.
યુપીઆઈ પેમેન્ટ ઈન્ફ્રાસ્ટ્રક્ચર
ભારતના સેમી-કંડક્ટર ટેકનોલોજી માટે એક આકર્ષક રોકાણ સ્થળ બનવાનુ કારણનો હવાલો આપતા વડાપ્રધાન મોદીએ કહ્યુ, અમે 1.3 અરબથી વધારે ભારતીયોને જોડવા માટે ડિજિટલ મૂળભૂત ઈન્ફ્રાસ્ટ્રક્ચરનુ નિર્માણ કરી રહ્યા છીએ અને યુપીઆઈ આજે ચૂકવણી માટે દુનિયાનુ સૌથી કુશળ મૂળભૂત ઈન્ફ્રાસ્ટ્રક્ચર છે.
યુવાઓના કૌશલમાં રોકાણ
પીએમ મોદીએ એ પણ કહ્યુ કે દેશ સ્વાસ્થ્ય અને કલ્યાણથી લઈને સમાવેશ અને સશક્તિકરણ સુધી શાસનના તમામ વિસ્તારમાં જીવનને બદલવા માટે ડિજિટલ તકનીકનો ઉપયોગ કરી રહ્યો છે.વડાપ્રધાને એ પણ રેખાંકિત કર્યુ કે દેશ 21મી સદીની જરૂરિયાત માટે યુવા ભારતીયોના કૌશલ અને પ્રશિક્ષણમાં ભારે રોકાણ કરી રહ્યુ.વડાપ્રધાન મોદીએ કહ્યુ, અમારી પાસે અસાધારણ સેમિકન્ડક્ટર ડિઝાઇન ટેલેન્ટ પૂલ છે, જે વિશ્વના સેમિકન્ડક્ટર ડિઝાઇન એન્જિનિયરનુ 20 ટકા છે.
