સાપુતારા : બાળકોને પ્રીય અને વીટામીન સી થી ભરપુર એવી સ્ટ્રોબેરીના આજે મોટા શહેરો સાથે ગ્રામીણ વીસ્તારોમા પણ અનેક ચાહકો છે.સ્ટ્રોબેરીની ખેતી મહારાષ્ટ્રના મહાબલેશ્વર અને અન્ય ખીણ વાળા વીસ્તારોમા થતી હોય છે.અત્યાર સુધી મહાબલેશ્વરની માનીતી એવી આ ખાટીમીઠી રસપ્રદ સ્ટ્રોબેરી હવે ગુજરાતના સાપુતારાની પણ ઓળખ બની ગઇ છે.
ડાંગના આદીવાસી ખેડુતો હવે પરંપરાગત ખેતીની સાથે સીઝનલ પાક એવા સ્ટ્રોબેરીની ખેતી કરી સારી આવક મેળવતા થયા છે.ખાસ કરીને ભેજવાળી અને ઠંડી આબોહવામા પાકતી સ્ટ્રોબેરીને સાપુતારાની તળેટીવાળા વીસ્તારોમા અનુકુળ વાતાવરણ મળી રહેતા અહિયાના ખેડુતો ઓક્ટોમ્બર માસથી મે મહિના સુધી સ્ટ્રોબેરીની ખેતી કરી સારી આવક મેળવતા થયા છે.સાપુતારામા કુદરતી સૌન્દર્ય નીહાળવા આવતા લોકો હવે સ્ટ્રોબેરીને પણ સાપુતારાની ઓળખ ગણાવે છે અને એટલે જ આજે ગુજરાત સહીત મહારાષ્ટ્ર અને મહાબલેશ્વરના બજારમા પણ સાપુતારાની સ્ટ્રોબેરીની માંગ વધી છે.અત્યાર સુધી ડાંગની પ્રજા ટામેટા અને ડાંગર જેવી પરમ્પરાગત ખેતી જ કરતા પરંતુ દીવસેને દીવસે સ્ટ્રોબેરીની માંગ વધતા આજે આહવાના 20 થી વધુ ગામોમા ખેડુતો સ્ટ્રોબેરીની ખેતી કરતા થયા છે.આદીવાસી ખેડુતોને પગભર કરવા ડાંગમા સરકાર પણ સહાય પુરી પાડે છે.સરકારના બાગાયત વિભાગ દ્વારા સ્ટ્રોબેરીની ખેતી માટે સબસીડી પણ આપવામાં આવે છે.
ચાર પ્રકારની સ્ટ્રોબેરી ની ખેતી થાય છે
સ્ટ્રોબેરીના ચાહકોને કદાચ ખબર નહી હોય પણ એક સમાન લાગતી સ્ટ્રોબેરી ચાર પ્રકારની હોય છે,અણીદાર મોટી સ્ટ્રોબેરી રાની નામથી ઓળખાય છે જે ખાવમા મીઠી લાગે છે.સાથે આવીજ અણીદાર અને મોટી ભરાવદાર પણ માથે થી સેજ વળીગયેલી અણીવાળી સ્ટ્રોબેરી સ્વીટ ચાર્લીના નામે ઓળખાય છે જે ખાવામા રાની કરતાપણ ખુબ મીઠી હોય છે,આ બન્ને સ્ટ્રોબેરી કરતા થોડી ખટાસ વાળુ સ્ટ્રોબેરીનુ ફળ સેલવા અને ચાલનાર તરીકે ઓળખાય છે જે ઉપરથી પંખા આકાર કે ચપટુ લાગે છે.
19 વર્ષની મહેનત બાદ હવે ડાંગના ખેડુતો આ પાકથી ખુબ મોટી આવક મેળવતા થયા
ડાંગના ગરીબ ખેડુતોને રોક્કડીયા પાક તરફ વાળવા ડાંગના બાગાયત વીભાગે ખુબ મહેનત કરી છે, છેલ્લા 19 વર્ષની મહેનત બાદ હવે ડાંગના ખેડુતો આ પાકથી ખુબ મોટી આવક મેળવતા થયા છે બાગયાતી અધીકારી ના જણાવ્યા મુજબ સ્ટ્રોબેરીના પાક માટે રનર્સ ની જરુર હોય જે રનર્સ માટે ડાંગની આબોહવા મહાબલેસ્વર કરતા પણ ખુબ અનુકુળ રહેતા મહારાસ્ટ્રથી સ્ટ્રોબેરીના છોડ માટેના રનર્સ લેવા ખેડુતો સાપુતારા આવે છે અને જેનાથી પણ અહીંના આદીવાસી ખેડુતો ને ખુબ સારી આવક મળી રહે છે, ગુજરાતનુ એકમાત્ર ગીરીમથક સાપુતારા અત્યાર સુધી હવાખાવાનુ સ્થળ તરીકે જાણીતુ હતુ પરંતુ અહિની આદીવાસી ખેડુતોની મહેનતથી આજે આ વીસ્તરામા પાકતી સ્ટ્રોબીરી પણ સપુતારાની ઓળખ બની ગઇ છે,અહિયા સ્ટ્રોબેરીના ખેતરો હવે સાપુતારા આવતા સહેલાણીઓ માટે નવું પર્યટક સ્થળ બની ગયા છે.
