– પૂર્વ ખજાનચી ગોવિંદ ગોયલ છેતરપિંડી કરનારાઓને પૈસા લેવા માટે ઓફિસમાં બોલાવ્યા હતા
બે છેતરપિંડી કરનારાઓએ મધ્ય પ્રદેશ કોંગ્રેસ અધ્યક્ષ કમલનાથનો મોબાઈલ ફોન હેક કર્યો અને પાર્ટીના ચાર નેતાઓ પાસેથી 10-10 લાખ રૂપિયાની માંગણી કરી હતી.પાર્ટીના પ્રવક્તાએ ગઈકાલે આ જાણકારી આપી હતી.પાર્ટીના પ્રવક્તાએ કહ્યું કે કોંગ્રેસના અધિકારીઓએ બે લોકોને પકડ્યા છે જેમણે કથિત રીતે કોલ કર્યો હતો અને પછી પૈસા લેવા માટે માલવિયા નગર વિસ્તારમાં આવ્યા હતા.પ્રવક્તાએ જણાવ્યું હતું કે બંને છેતરપિંડી કરનારાઓ જેઓ ગુજરાતના રહેવાસીઓ છે.આ બંને છેતરપિંડી કરનારાઓને પોલીસને સોંપવામાં આવ્યા હતા.
10-10 લાખ રૂપિયાની કરી હતી માંગણી
પાર્ટીના પ્રવક્તાએ જણાવ્યું હતું કે પોલીસે આરોપીઓને કસ્ટડીમાં લીધા અને તેમની પૂછપરછ કરી,પરંતુ કોઈ ઔપચારિક ફરિયાદ નોંધવામાં આવી નથી.મધ્ય પ્રદેશ કોંગ્રેસ સમિતિના મીડિયા વિભાગના પ્રમુખ કેકે મિશ્રાએ જણાવ્યું હતું કે યુવકોએ કમલનાથનો ફોન હેક કર્યો અને ધારાસભ્ય સતીશ સિકરવાર,ખજાનચી અશોક સિંહ,કોંગ્રેસના ઈન્દોર શહેર એકમના પ્રમુખ સુરજીત સિંહ ચઢ્ઢા અને પૂર્વ ખજાનચી ગોવિંદ ગોયલ પાસેથી 10-10 લાખ રૂપિયાની માંગણી કરી હતી.તેમણે કહ્યું કે છેતરપિંડી ત્યારે પ્રકાશમાં આવી જ્યારે ગોયલે કેટલાક પદાધિકારીઓ સાથે મળીને કોલની વિગતો તપાસી અને જાણવા મળ્યું કે પૂર્વ મુખ્યમંત્રીએ પાર્ટીના સભ્યો પાસેથી પૈસા માંગ્યા ન હતા.
કોંગ્રેસના અધિકારીઓ અને કાર્યકરોએ છેતરપિંડી કરનારાઓને પોલીસને સોંપ્યા
ગોયલે તે પછી છેતરપિંડી કરનારાઓને ફસાવવાનું નક્કી કર્યું અને પૈસા લેવા માટે યુવકોને તેમની ઓફિસમાં બોલાવ્યા હતા.તેમણે કહ્યું કે પૈસા લેવા માટે ગોયલની ઓફિસમાં આવેલા 25 અને 28 વર્ષના બે જણને કોંગ્રેસના અધિકારીઓ અને કાર્યકરોએ પકડીને પોલીસને હવાલે કર્યા હતા.તેમણે કહ્યું કે આ મામલે ટૂંક સમયમાં ઔપચારિક પોલીસ ફરિયાદ દાખલ કરવામાં આવશે.આ દરમિયાન એક પોલીસ અધિકારીએ જણાવ્યું કે બંને આરોપીઓને કસ્ટડીમાં લેવામાં આવ્યા છે પરંતુ કોઈ સત્તાવાર ફરિયાદ મળી નથી.
