આજે ફરી એકવાર મધ્યમવર્ગને પડ્યા પર પાટુ માર્યા જેવી પરિસ્થિતિ ઉદ્દભવી છે.પેટ્રોલ-ડીઝલ,ગેસના ભાવમાં પણ સતત વધારો બાદ આજે ફરી શાકભાજીના ભાવ આસમાને પહોંચ્યા છે.શાકભાજીના સતત વધતા ભાવથી લોકોની થાળીમાંથી શાક ગુમ થઈ ગયું છે.બીજી બાજુ મોંઘવારીથી ગૃહિણીઓ મુંઝવણમાં મૂકાઈ છે.
દેશભરમાં મોંઘવારીએ માજા મૂકી છે.તેમાં હવે વરસાદના કારણે શાકભાજીના ભાવ પર ગંભીર અસર થઈ છે.પેટ્રોલ-ડીઝલ,ગેસના ભાવમાં પણ સતત વધારો ઝીંકવામાં આવી રહ્યો છે.શાકભાજીના ભાવમાં 10થી 15 ટકા સુધીનો ભાવ વધારો થઇ ચૂક્યો છે.ખેડૂતો પ્રમાણે માર્કેટમાં ઉત્પાદન ઓછું થઈ ગયુ છે.વરસાદના લીધે શાકભાજીનો પાક ઘટ્યો છે.એક બાજુ ઉત્પાદન ઓછું છે અને બીજી બાજુ માગ વધતા ભાવ વધારો નોંધાઈ રહ્યો છે.ખેડૂતો પ્રમાણે 80 ટકા ઉત્પાદન ઓછું થયુ છે.
શાકભાજીનો ભાવ આસમાને પહોંચવા પાછળ અન્ય કારણ પર જવાબદાર છે. વરસાદને કારણે શાકભાજીનો પાક બગડી જતા અને માલની આવક ઓછી થવાને કારણે ભાવ આસમાને પહોંચ્યા છે.શાકભાજીના ભાવમાં બેથી ત્રણ ગણો વધારો થયો છે. ગૃહિણીઓના બજેટ પર તેની સીધી અસર થઇ છે.શાકની ગુણવત્તા પણ સારી નથી અને ભાવ પણ વધારે હોવાને કારણે ગૃહિણીઓ પરેશાન છે.
હાલ શાકભાજીના ભાવમાં વધારો નોંધાયો છે, જે નીચે મુજબ છે. 15 દિવસ પહેલાના અને અત્યારના ભાવ કેટલો ફર્ક છે જે આપણે જોઈ શકીએ છીએ.
પ્રતિ 20 કિલો મળનારા શાકભાજી (હોલસેલ)
ભીંડા 270 રૂ.થી વધીને 700 રૂ.
તુવેર પહેલા 800 રૂ. જે હવે વધીને 1300 રૂ. સુધી,
પાપડી 300 રૂ. થી વધીને 1000 રૂ. સુધી,
કરેલા 160 રૂ. થી લઈને 500 રૂ. સુધી,
ટામેટા 220 રૂ. થી લઈને 600 રૂ. સુધી,
ગુવાર 700 રૂ.થી લઈને 1 હજાર રૂ. સુધી,
વટાણા 1400 રૂ.થી વધીને 2400 સુધી,
જયારે રીંગણ 180 રૂ. થી વધીને હવે 900 રૂ. સુધી મળી રહે છે.
એક જ મહિનામાં શાકભાજીના ભાવમાં બે થી ત્રણ ગણો વધારો નોંધાયો છે.
