ઈન્દોર : મધ્ય પ્રદેશ વિધાનસભાની પેટાચૂંટણીના પ્રચારમાં મુખ્યમંત્રી શિવરાજ સિંહ ચૌહાણના રોડ-શોમાં કોવિડ 19ના નિયમોના ભંગ બદલ પોલીસ ફરિયાદ દાખલ કરવામાં આવી છે. મધ્ય પ્રદેશમાં 3 નવેમ્બરના 28 વિધાનસભા બેઠકો પર પેટાચૂંટણી યોજાશે.ઈન્દોરના સાન્વર વિસ્તારમાં સોમવારે સીએમ શિવરાજ સિંહ ચૌહાણનો રોડ શો યોજાયો હતો.
આ રોડ શોને પગલે સ્થાનિક ભાજપ નેતા વિરુદ્ધ પોલીસ ફરિયાદ દાખલ થઈ છે.રોડ શોમાં સોશિયલ ડિસ્ટન્સિંગ સહિતના કોવિડ 19ના નિયોનું કડક પાલન કરવા જણાવાયું હતું અને ફક્ત પાંચ વાહનોને મંજૂરી આપવામાં આવી હતી.સાન્વર પોલીસ સ્ટેશન ઈન્ચાર્જ સંતોષ કુમાર દુધીએ જણાવ્યું હતું કે,રિટર્નિંગ ઓફિસર તરફથી મળેલા પત્ર મુજબ રોડ શોમાં 20-25 વાહનો હતા.આ ઉપરાંત સોશિયલ ડિસ્ટન્સિંગના નિયમોનું પણ ઉલ્લંઘ થયું હતું. રોડ શોમાં હાજર કેટલાક શખ્સોએ માસ્ક પણ પહેર્યા નહતા.
ભાજપના સ્થાનિક નેતા દિનેશ ભાવસારે આ રેલી માટે મંજૂરી માગી હતી જેને પગલે તેની વિરુદ્ધ આઈપીસી કલમ 188 હેઠળ સોમવારે રાત્રે એફઆઈઆર દાખલ કરાઈ હતી.મધ્ય પ્રદેશમાં 28 વિધાનસભા બેઠક પર પેટાચૂંટણી યોજાનાર છે અને સાન્વર પણ તૈ પૈકી એક બેઠક છે.આ બેઠક પરથી ભાજપના પાણી પુરવઠા મંત્રી તુલસીરામ સિલાવતની ટક્કર પૂર્વ લોકસભાના સભ્ય અને કોંગ્રેસના ઉમેદવાર પ્રેમ ચંદ ગુડ્ડુ સામે થશે.
