મુંબઈ : મહારાષ્ટ્રમાં બિન-ભાજપી દળના નેતાઓ વિરુદ્ધ ઈડીની તપાસને લઈને એનસીપી પ્રમુખ શરદ પવારે કેન્દ્ર સરકાર પર પ્રહાર કર્યો છે.શરદ પવારે મંગળવારે દાવો કર્યો હતો કે મહારાષ્ટ્રના વિવિધ નેતાઓ સામે એન્ફોર્સમેન્ટ ડિરેક્ટોરેટ (ઈડી)ની કાર્યવાહી રાજ્ય સરકારના અધિકારોનું અતિક્રમણ કરવું અને રાજકીય વિરોધીઓને હતોત્સાહિત કરવાનો પ્રયાસ છે.ઈડી રાજ્યના પૂર્વ ગૃહ મંત્રી અને એસીપી નેતા અનિલ દેશમુખ તેમજ એકનાથ ખડસે વિરુદ્ધ અલગ-અલગ કેસમાં તપાસ કરી રહ્યું છે. કેન્દ્રીય એજન્સીએ ગત સપ્તાહે મની લોન્ડરિંગ કેસમાં શિવસેનાના સાંસદ ભાવના ગવળીના કેટલાક ઠેકાણાઓ પર દરોડા પાડ્યા હતા.
મહારાષ્ટ્રમાં એનસીપી,શિવસેના અને કોંગ્રેસની મહારાષ્ટ્ર અઘાડી પાર્ટી સત્તામાં છે.પવારે પત્રકારો સાથે વાતચીત કરતા જણાવ્યું કે, મહારાષ્ટ્રમાં ઈડી દ્વારા આટલી બધી કાર્યવાહી અંગે ક્યારેય નથી સાંભળ્યું.એક કાર્યવાહી ખડસે સામે ચાલુ છે જ્યારે વધુ એક તપાસ અનિલ દેશમુખ વિરુદ્ધ છે અને ભાવના ગવળીની સામે પણ તપાસ હાથ ધરાઈ છે.આ એજન્સીઓને હથિયાર બનાવીને ઉપયોગ કરીને રાજ્યોના અધિકારોનું અતિક્રમણ તેમજ વિરોધીઓને હતોત્સાહિત કરવાનો પ્રયાસ થઈ રહ્યો છે.ભાવના ગવળઈ સાથે સંકળાયેલા ઠેકાણા પર ઈડીના દરોડા અંગે પૂછતા શરદ પવારે જણાવ્યું કે આ મામલો શૈક્ષણિક સંસ્થાઓનો છે.
પૂર્વ કેન્દ્રીય મંત્રી શરદ પવારે જણાવ્યું કે, જ્યારે આ પ્રકારની સંસ્થાઓ સામે આરોપ ઉઠે છે ત્યારે ચેરિટી કમિશ્નર સામે ફરિયદ દાખલ કરવામાં આવે છે.જો ચેરિટી કમિશ્ન નથી તો રાજ્ય સરકારની એજન્સીને તપાસનો અધિકાર છે,પરંતુ અહીં ડાયરેક્ટ ઈડી સામેલ થયું છે. કોવિડ-19ની ત્રીજી લહેરની સંભાવનાઓ અંગે પૂછતા પવારે જણાવ્યું કે, મે એવા અનેક કાર્યક્રમો જોયા છે જેમાં કોરોના ગાઈડલાઈનનું ઉલ્લંઘન થતું હોય છે.પવારે જણાવ્યું કે હું ફક્ત સિમિત લોકો સાથે ઘરની અંદર આયોજીત કાર્યક્રમમાં સામેલ થઈશ.મહારાષ્ટ્રના મુખ્યમંત્રી ઉદ્ધવ ઠાકરેએ રાજકીય પક્ષોને ભીડ એકત્ર કરવાનું ટાળવા માટે આંદોલન,બેઠકો અને અન્ય કાર્યક્રમો પર તાત્કાલિક રોક લગાવવા જણાવ્યું છે.
ભાગવતના નિવેદન અંગે શરદ પવારે કહ્યું- મારા જ્ઞાનમાં વધારો થયો
હિન્દુઓ અને મુસ્લિમોના પૂર્વજો એક સમાન છે તેવા રાષ્ટ્રીય સ્વયંસેવક સંઘના પ્રમુખ મોહન ભાગવતે કરેલા નિવેદન અંગે પૂછતા શરદ પવારે જણાવ્યું કે, આ વાતથી મારા જ્ઞાનમાં વધારો થયો છે.પાવરે સહકારી ક્ષેત્રમાં ભારતીય રિઝર્વ બેન્કના હસ્તક્ષેપ પર પણ વાંધો વ્યક્ત કર્યો હતો.પવારે વધુમાં ઉમેર્યું કે, સહકારી ઋણદાતાઓ બેન્કિંગ ક્ષેત્રને જમીની સ્તર સુધી પહોંચાડ્યું.આવી બેન્કો બંધ થવી તે સહકારી ક્ષેત્ર ઉપરાંત તેનો લાભ મેળવતા લોકો માટે કણ નુકસાનકારક છે.
