મહેસાણા : આજે વહેલી સવારે મહેસાણા તાલુકાના પાંચોટ ખાતે તળાળમાં કાર ખાબકતાં ત્રણ શિક્ષકોના મોત નિપજ્યાં હતાં.ઘટનાને પગલે અરેરાટી વ્યાપી ગઇ હતી.શિક્ષકો પોતાના નિયતક્રમ મુજબ વહેલી સવારે નોકરી પર જઇ રહ્યાં હતાં,ત્યારે અકસ્માત સર્જાયો હતો.
મળતી માહિતી પ્રમાણે,પાંચોટ તળાવ પાસે અચાનક જ રસ્તા વચ્ચે કૂતરું આવી જતાં કારચાલકે કાબુ ગુમાવ્યો હતો.કૂતરાને બચાવવા જતાં કાર તળાવમાં ખાબકી હતી અને ત્રણ શિક્ષકોના કાર સાથે તળાવમાં ડૂબી જતાં મોત નીપજ્યા હતા.
ઘટનાને પગલે સ્થાનિક લોકો મદદ માટે દોડી આવ્યા હતા. સાથે જ 108ની ટીમને ઘટના અંગે જાણ કરવામાં આવી હતી. જેસીબીની મદદથી કાર તળાવમાંથી બહાર કાઢવામાં આવી હતી.મહેસાણા નજીક પાંચોટ ખાતે સર્જાયેલા એક ગમખ્વાર અકસ્માતમાં 3 શિક્ષકોના કરૂણ મોત થતા ગમગીની પ્રસરી ગઈ છે.અહીં કાર આગળ શ્વાન વચ્ચે આવી જતા કાર ચાલકે કાબુ ગુમાવ્યો હતો અને કાર પાંચોટ ના તળાવ માં ખાબકી હતી આ અકસ્માતમાં 1 મહિલા અને 2 પુરૂષના મૃત્યુ પામ્યા છે જેઓ શિક્ષક હોવાનું ખુલ્યું હતું, આ શિક્ષકો રાધનપુર નજીક મોરવાડ જતા હતા.મૃતકો માં મિતાબેન પટેલ રહે,મહેસાણા,વિપુલ ચૌધરી રહે,બાસણા અને આનંદ શ્રીમાળી રહે વિસનગર નો સમાવેશ થાય છે.ઘટના બાદ આસપાસના સ્થાનિક લોકોના ટોળેટોળા ઉમટ્યા હતા અને રેસ્ક્યૂ કામગીરી આરંભી હતી.બીજી બાજુ જેસીબીની મદદથી કારને તળાવમાંથી બહાર કાઢવામાં આવી હતી.પોલીસને જાણ કરાતાં પોલીસે મૃતદેહોને પીએમ અર્થે હોસ્પિટલ ખસેડ્યા હતા.
