બારડોલી : સુરત જિલ્લાના કોસંબા પો સ્ટે વિસ્તારમાંથી સાડા સોળ લાખ ઉપરાંતનો ભારતીય બનાવટનો વિદેશી દારૂ કોસંબા પોલીસે ઝડપી પાડ્યો હતો.
પ્રાપ્ત માહિતી અનુસાર સુરત જિલ્લા પોલીસ અધિક્ષકની જિલ્લામાં દારૂ જુગાર અને મિલકત સંબંધી ગુન્હા શોધી કાઢવાની ઝુંબેશ અન્વયે વિભાગીય પો.જાડેજાના માર્ગદર્શન સહિત કોસંબા પીઆઈની સીધી દોરવણી હેઠળ કોસંબા પોલીસ સ્ટાફ હાઇવે પર પેટ્રોલિંગમાં હતા.ત્યારે કોસંબા પોલીસના હીમાંશુભાઈ રશ્મિકાંતને મળેલ બાતમી મુજબ હથોડા ગામની સીમમાં સત્યમ ટેક્ષટાઈલ પાર્ક અને વિશ્વા ફુડ પ્રોડક્ટની વચ્ચે આવેલ શોપીંગ સેન્ટરની પાછળ ખુલ્લી જગ્યામાં તા. માંગરોલ, જિ. સુરત ખાતે રેડ કરી તે દરમ્યાન ભારતીય બનાવટનો વિદેશી પરપ્રાંત બનાવટની નાની મોટી વ્હીસ્કી તથા ટીન બીયરની બાટલીઓ નંગ ૬૭૯૨, કિંમત રૂા. ૮,૦૮,૮૦૦ તેમજ અશોક લેલન ટેમ્પો નં. જીજે૦૧ ડીઝેડ ૭૩૦૭ કિંમત રૂા. ૨,૦૦,૦૦૦ અને ટાટા સુપર એસીઈ નં. જીજે૦૫ બીવી ૭૫૭૯ કિંમત રૂા. ૨,૦૦,૦૦૦ તેમજ અર્ટીકા ગાડી નં. જીજે૦૫ આરએ કિંમત રૂા. ૪,૦૦,૦૦૦ અને ફોરચ્યુન કપાસીયા તેલ કાર્ટુન ૪ જેમાં ૫ લીટરવાળા પ્લા. કેન નંગ ૧૬, કિંમત રૂા. ૧૬,૦૦૦ અને તીરૂપતી રાઈસ બ્રેન ઓઈલ કાર્ટુન – ૫ જેમાં એક લીટરવાળા પાઉચ કુલ્લે નંગ ૬૦, કિંમત રૂા. ૧૨,૨૪૦ તથા તિરૂપતી કપાસીયા તેલ કાર્ટુન – ૧ જેમાં ૫ લીટરવાળા પતરાના ડબ્બા નંગ ૬, કિંમત રૂા. ૧૨,૦૦૦ તથા સ્નેક્સ સેવ સમોસાના પેકેટ નંગ ૨૪૦, કિંમત રૂા. ૧૨૦૦, કોર્ન ફીંગર ચીપ્સ પેકેટ નંગ ૨૪૦, કિંમત રૂા. ૧૨૦૦, મેક અપ બોક્ષ પેકેટ નંગ ૧૦૮, કિંમત રૂા. ૫૪૦, ચાઈનીઝ નુડલ્સ સ્નેક્સ પેકેટ નંગ ૭૨ કિંમત રૂા. ૩૬૦, ફ્લેવર મનચ્યુરીયન કોર્ન પેકેટ નંગ ૪૮ કિંમત રૂા. ૨૪૦, આર.સી.બુક, વીમા પોલીસીની નકલ તથા ડ્રાઈવીંગ લાયસન્સ તથા બિલ્ટી મળી કુલ્લે કિંમત રૂા. ૧૬,૫૬,૪૮૮નો મુદ્દામાલ ઝડપી પાડી ધોરણસરની કાર્યવાહી કરી આગળની કાર્યવાહી હાથ ધરી છે.જ્યારે ચાલક ભાગી છૂટતા તેને વોંટેડ જાહેર કર્યો હતો.
