– IDBI બેંકના ૯૦૦ કરોડના કૌભાંડ મામલે દારૂના વેપારીને મોટો ઝટકો
નવી દિલ્હી તા.૧પ : આઇડીબીઆઇ બેંકને કરોડોનો ચુનો લગાવનાર કીંગફીશરના માલીક વિજય માલ્યાને બ્રિટનની સર્વોચ્ચ અદાલતે પ્રત્યાર્યણ અંગેની અપીલ ફગાવીને મોટો ઝટકો આપ્યો હતો.તો બીજી તરફ ભારતને આ ભાગેડુ મામલે મોટી સફળતા મળી છે અને તેનો યશ સીબીઆઇ અધિકારી સુમનકુમારને મળતા તેઓ હીરો તરીકે ઉપસ્યા છે.વિજય માલ્યાને ભારત લાવવાના મુદે સીબીઆઇ અધિકારી સુમનકુમારે પડકારજનક રીતે સાવધાનીપૂર્વક તપાસ કરી અન તેમણે લંડન ખાતે સંખ્યાબંધ વખત ચક્કર લગાવીને અંત ભારતને મોટી સફળતા અપાવી છે.
બેંકોના મોટા સમુહને કરોડોનો ચુનો માલ્યાએ લગાડતા સીબીઆઇ અધિકારી સુમનકુમારને ઓકટોબર ર૦૧પ માં ડી.એસ.પી. તરીકે માલ્યાના કૌભાંડની તપાસની જવાબદારી સુપ્રત કરવામાં આવી હતી.તપાસમાં સૌથી મોટી તકલીફ એ હતી કે લીકરકીંગ વિજય માલ્યા સામે ગંભીર પ્રકારનાં આરોપો હોવા છતાં માલ્યાને ધિરાણ દેનાર બેંકો તેની સામે છેતરપીંડીનો કેસ નોંધાવવા તૈયાર થતી ન હતી.બ્રિટનની સર્વોચ્ચ અદાલતે ભારતની દલીલ સ્વિકારી અને વિજય માલ્યાએ ભારતને ન સોંપવા અંગે કરેલ અપીલને ફગાવી દિધી તે માટેની લડાઇમાં સી.બી.આઇ.અધિકારી સુમનકુમાર ત્થા ટીમને લાંબો કાનુની જંગ ખેલવો પડયો હતો અને સંખ્યાબંધ વખત લંડનના આંટાફેરા કરવા પડયા હતા.જો કે અંતે આ ટીમે ભારતને સુંદર સફળતા અપાવી હતી.
વિજય માલ્યા પ્રકરણે હીરો તરીકે છવાયેલા સુમનકુમારની કારકિર્દિ પર નજર કરીએ તો ર૩ વર્ષની ઉમરે સી.બી.આઇ.માં ઉચ્ચ-નિરીક્ષક તરીકે જોડાયેલા અને વ્હાઇટ કોલર અપરાધો સામેની તપાસમાં તેમનો શાનદાર રેકોર્ડ રહ્યો છે.તત્કાલીન પ્રધાનમંત્રી મનમોહનસિંઘે તેમને ર૦૦રમાં સી.બી.આઇ.ના સર્વશ્રેષ્ઠ તપાસ અધિકારી તરીકે ગોલ્ડમેડલ આપી નવાજયા હતા આ ઉપરાંત તેમને ર૦૦૮માં પ્રસંસનીય કામગીરી માટે પોલીસચંદ્રક ર૦૧૩માં ઉત્કૃષ્ઠ તપાસનીશ અધિકારી અને ર૦૧પમાં રાષ્ટ્રપતિ ચંદ્રકથી સન્માનીત કરાયા હતા.લિકરકીંગ વિજય માલ્યા ર૦૧૬માં જયારે ભાગ્યો ત્યારે સી.બી.આઇ.માં આ શરમજનક વાત હતી અને તેને ભારત પરત લઇ આવવા માટે બ્રિટનની અદાલતમાં વિપરીત સંજોગોમાં કાનુની લડાઇ લડવી પડી હતી.સુમનકુમાર અને ટીમે વારંવાર લંડનના ચક્કર કાપી કોર્ટની એકપણ સુનાવણી છુટી ન જાય તેમાં અવિરત કામગીરી કરી હતી યુરોપ અને ખાસ કરીને બ્રિટનને પ્રત્યાર્પણ મામલે ભારતનો રેકોર્ડ ખૂબજ ખરાબ છે.ત્યારે માલ્યા મામલે ભારતને મળેલી સફળતાનુ મહત્વ ઘણુ વધી જાય છે.
