– યુક્રેનના બચાવવા દિવ્યાંગો પણ રસ્તાઓ પર તૈનાત
– કીવમાં ચારેકોરથી ઘેરવાનો પ્રયત્ન કરી રહેલાં રશિયન સૈનિકોને રોકવા માટે નાગરિકોએ દારૂની બોટલમાંથી બોમ્બ બનાવ્યા
કીવ : યુક્રેનની રાજધાની કીવ પર અત્યારે રશિયન સૈનિકો ઘેરો ઘાલી રહ્યા છે.રશિયાન સૈનિકો સામે બાથ ભીડવા માટે યુક્રેનના સામાન્ય નાગરિકો પણ સામે આવી રહ્યાં છે.પૂર્વ મિસ યુક્રેન અને બ્યુટી ક્વીન અનાસ્તાસિયા લેનાએ પણ રશિયા સામે હથિયારો ઉપાડયા છે.
બીજી તરફ યુક્રેનના ઘણાં તબીબો,આર્કિટેક્ટ, સંગીતકારો અને જાદુગર સહિતના વ્યાવસાયિકો પણ હથિયાર લઇ રસ્તાઓ પર ઉતર્યા છે અને રશિયન સૈનિકોનો સામનો કરી રહ્યા છે.યુક્રેનની બ્યુટી ક્વીન અને મોડેલ અનાસ્તાસિયા લેનાએ વર્ષ 24 વર્ષની વયે 2015માં મિસ યુક્રેનનો ખિતાબ જીત્યો હતો.
અનાસ્તાસિયા તેની સુંદરતા અને વૈભવી જીનવશૈલીના કારણે વિશ્વભરના સોશિયલ મીડિયા પર છવાયેલી હોય છે.જો કે યુક્રેન દયનીય પરિસ્થિતિમાં મૂકાતા અનાસ્તાસિયાએ પણ રશિયા સામે હથિયારો ઉપાડયા છે અને તેના બંદૂકો સાથેના ફોટો સોશિયલ મીડિયા પર વાયરલ થયા છે.જો કે ડેઇલી સ્ટારના અહેવાલ પ્રમાણે તેણે પહેલાંથી જ હથિયાર ચલાવતાં આવડે છે.
યુક્રેનની રાજધાની કીવ પર કબ્જો જમાવવા અત્યારે રશિયન સૈનિકો શહેરને ચારે તરફથી ઘેરી રહ્યા છે. જેથી સામાન્ય નાગરિકો પણ રસ્તા પર ઉતરી રશિયાનો સામનો કરવાની તૈયારી કરી રહ્યા છે.હથિયારો સાથે ઉતરેલા આ સામાન્ય નાગરિકોમાં તબીબો,આર્કિટેક્ટ,સંગીતકારો, અને જાદુગરો સહિતના વ્યવસાયિકોનો સમાવેશ થાય છે.ઉપરાંત કેટલાંક દિવ્યાંગો પણ હથિયારો સાથે રસ્તાઓ પર તૈનાત તયા છે.
