બારડોલી : બારડોલી નજીકથી પસાર થતી મીંઢોળા નદીના પુલ નીચેથી એક યુવકની લાશ મળી આવતા ચકચાર મચી હતી.મૃતકની હજી સુધી ઓળખ થઈ શકી ન હોય પોલીસે વાલીવારસની શોધખોળ આદરી છે.બુધવારે બપોરે મીંઢોળા નદીના પુલ નીચે પાણીમાં લાશ તણાઈ આવી હોવાની જાણ થતાં જ બારડોલી પોલીસ અને ફાયર બ્રિગેડની ટીમ સ્થળ પહોંચી હતી.ફાયરની ટીમે લાશ બહાર કાઢી હતી. યુવકની ઓળખ થઈ શકી ન હતી.પોલીસના જણાવ્યા અનુસાર મૃતકની ઉંમર આશરે 35 વર્ષ છે.શરીરે લાલ રંગનું શર્ટ અને હાફ પેન્ટ પહેરેલ છે.પોલીસે આકસ્મિક મોતનો ગુનો નોંધી વાલી વારસની શોધખોળ શરૂ કરી છે.
મીંઢોળા નદીમાંથી અજાણ્યા યુવકની લાશ મળી
