મુંબઇ : મુંબઇના ઇપીએફ (એમ્પ્લોઇઝ પ્રોવિડન્ડ ફંડ) કાર્યાલયમાં આચરવામાં આવેલા ભ્રષ્ટાચાર પ્રકરણે સીબીઆઇ તરફથી ચાર જગ્યાએ રેડ પાડવામાં આવી હતી.આ રેડમાં ૧૩.૪ લાખ રૃપિયાની રકમ જપ્ત કરવામાં આવી હતી.
કાંદિવલીના ઇપીએફ કાર્યાલયમાં ખોટી નોંધ દેખાડીને પ્રોવિડન્ડ ફંડમાંથી ૧૮.૯૭ કરોડની ઉચાપટ કરવામાં આવી હતી.આ સંબંધે સીબીઆઇ તરફથી ગયા મહિને આઠ કર્મચારીઓ વિરુદ્ધ ભ્રષ્ટાચાર,ફસામણી અને ગુનાહિત વર્તન વગેરે ગુનાસર કેસ નોંધવામાં આવ્યો હતો.આ તમામ આઠ કર્મચારીઓની નોકરીમાંથી હકાલપટ્ટી કરવામાં આવી છે.બે કર્મચારીઓ પાસેથી પૈસા જપ્ત કરવામાં આવ્યા છે એમ સીબીઆઇના સૂત્રોએ જણાવ્યું હતું.
