મુંબઈ : મુંબઇમાં પોણા બે મહિના પછી પહેલીવાર કોરોનાના ૨૪ કલાકમાં ૧૦૦થી વધુ કેસ નોંધાયા છે. છેલ્લે બીજી માર્ચે કોરોનાના દૈનિક કેસ ત્રણ આંકડામાં નોંધાયા હતા.તે પછી પહેલીવાર આટલા કેસ નોંધાતાં તંત્ર હરકતમાં આવી ગયું છે.શહેરના ૧૦ વોર્ડ હોટસ્પોટ બન્યા હોય તેમ કેસ વધી રહ્યા છે.સરકારે નાગરિકોને સાવચેતી વર્તવા જણાવ્યું છે.મુંબઈમાં આજે કોરોનાના નવા ૧૦૨ કેસ નોંધાયા છે અમને એક પણ દરદીનું મોત થયું નથી.જ્યારે ૮૫ દરદી સાજા થતાં તેઓને હોસ્પિટલથી ઘરે જવાની રજા અપાઈ હતી અને શહેરમાં અત્યારે કોરોનાના એક્ટિવ ૫૪૯ કેસ છે.પાલિકાના ડેશ બોર્ડ મુજબ ૧૦ વોર્ડ હાલમાં કોરોનાના હોટ સ્પોટ બની ગયા છે.આ વોર્ડમાં કોરોના દરદીમાં સાપ્તાહિક વૃદ્ધિ દર મુંબઈમાં આંશિક રીતે વૃદ્ધિ દર વધારે છે.
બાંદરા (એચ-વેસ્ટ), એ વોર્ડ (કોલાબા), પરેલ (એફ-સાઉથ વોર્ડ), અંધેરી (કે-પશ્ચિમ વોર્ડ), ખાર (એચ-પૂર્વ વોર્ડ), દાદર, એલ્ફિસ્ટનમાં (જી-સાઉથ વોર્ડ), ગ્રાન્ટ રોડ (ડી વોર્ડ), ગોરેગામ (પી-સાઉત વોર્ડ), ભાડુંપ (એસ વોર્ડ) અને કુર્લા (એલ વોર્ડ)માં દરદીની સંખ્યા વધારે મળી રહી છે.આ વિસ્તારોમાં સાપ્તાહિક દરની વૃદ્ધિ દર ૦.૦૦૮ ટકા થીી ૦.૦૧૭ ટકા છે.જ્યારે રાજ્યમાં આજે કોરોનાના નવા ૧૫૩ કેસ નોંધાયા અને ચાર દરદીનાં મોત થયા છે.રાજ્યમાં ૧૩૫ દરદી સ્વસ્થ થતાં તેઓને હોસ્પિટલથી ઘરે જવાની રજા અપાઈહતી અને અત્યારે રાજ્યમાં કોરોનાના નવા એક્ટિવ ૯૪૩ કેસ નોંધાયા હોવાનું રાજ્યના આરોગ્ય વિભાગે જણાવ્યું હતું.
