તા. 10 જાન્યુઆરી 2023, મંગળવાર : કોરોના પછી દેશની અર્થવ્યવસ્થામાં સુધારો આવ્યો છે.દેશનાં મુખ્ય 8 શહેરોમાં આવાસિય વેચાણ 34 ટકા વધ્યું છે,જે છેલ્લા 9 વર્ષમાં સૌથી વધુ છે.એક પ્રોપર્ટીફર્મ એડવાઇઝરે રીપોર્ટ જારી કર્યો છે. આ રીપોર્ટ છેલ્લા 6 મહિનાનાં વેચાણ પર આધારિત છે. 2022માં લોકો મોટા શહેરોમાં ઘર ખરીદવામાં વધારે ઇન્વેસ્ટ કરી રહ્યાં છે.
વેચાણનાં મામલે મુંબઇ દેશમાં અવ્વલ
આંકડા અનુસાર, મુંબઇ 85,169 સરેરાશ સાથે આવાસીય વેચાણમાં ઉપર રહ્યું. આ આંકડો 2021ની તુલનામાં 35 ટકા વધારે છે.જ્યારે દિલ્હી- એસીઆરમાં આવાસીય સંપત્તિઓની માંગ 67 ટકા વધીને 58,460 સરેરાશે પહોંચી.બેંગલુરુમાં આ માંગ 40 ટકાની વૃધ્ધિ સાથે 53,363 સરેરાશે પહોંચી ગઇ.સંપત્તિઓનાં વેચાણમાં 28 ટકા વધીને 32,046 સરેરાશે પહોંચી છે.ચેન્નઇમાં 19 ટકા અને અમદાવાદમાં 58 ટકા વેચાણ વધ્યું છે.
