મુંબઈ : મુંબઈમાં ૨૪ કલાકમાં કોરોનાના ૧૫૧ કેસ નોંધાયા છે.સમગ્ર મહારાષ્ટ્રમાં ૨૫૫ કેસ નોંધાયા છે.મુંબઈમાં છેલ્લા કેટલાક દિવસો દરમિયાન કોરોનાના દૈનિક કેસોની સંખ્યા ૧૦૦થી ૧૩૦ રહેતી હતી તે હવે ૧૫૦ પર સ્થિર થવા લાગી છે.મુંબઈમાં આજ સાંજ સુધીના ૨૪ કલાકમાં ૧૫૧ કેસ નોંધાંતાં કુલ કેસની સંખ્યા ૧૦,૬૧,૬૧૪ થઈ છે.વીતેલા ૨૪ કલાક દરમિયાન એક દર્દીનું મોત પણ નોધાયું છે.મુંબઈમાં કુલ મૃત્યુઆંક ૧૯૫૬૬ થયો છે.
મુંબઈમાં આજે કુલ પાંચ દર્દીને હોસ્પિટલમાં દાખલ કરાયા હતા.જેમાંથી એક દર્દીને લાઈફ સપોર્ટ સિસ્ટમની જરુર પડી હતી.આજે દિવસ દરમિયાન મુંબઈમાં કુલ ૭૮૨૨ લોકોના ટેસ્ટ કરાયા હતા.મહારાષ્ટ્રમાં નવા ૨૫૫ કેસ સાથે કુલ કેસોની સંખ્યા ૭૮,૮૦૮૪૦ થઈ છે.સમગ્ર રાજ્યમાં આજે કુલ ૧૭૫ દર્દીઓને ડિસ્ચાર્જ કરાયા હતા.રાજ્યમાં હાલ કુલ ૧૫૧૮ એક્ટિવ કેસ રહ્યા છે.
