મુંબઇ : કસ્ટમ્સ ક્લિયરીંગનું કામ કરતી એક એજન્સી પાસેથી કસ્ટમ્સના ક્લિયરીંગના કામ માટે ૨.૪૦ લાખ રૃપિયાની રકમ માગનાર એક લાંચખોર સુપ્રિન્ટેન્ડન્ટની એક લાખ રૃપિયાની રકમ સ્વીકારતા સીબીઆઇએ રંગેહાથો ધરપકડ કરી હતી.ગુરૃવારે પકડાયેલા આ અધિકારીનું નામ એસ.એન. મહેશ્વરી છે.
આ પ્રકરણે સીબીિઆએ નોંધેલ એફઆઇઆર મુજબ ૧૦ નવેમ્બરના રોજ ઉક્ત લોજીસ્ટીક એજન્સીને કસ્ટમ્સ વિભાગના એક ડેપ્યુટી કમિશનરે ઓડીટ સંદર્ભે એક નોટીસ મોકલવામાં આવી હતી.આ સાથે જ આ કેસ સંબંધી જરૃરી દસ્તાવેજો પણ સાથે લાવવાની સૂચના આપવામાં આવી હતી.આ નોટીસ માલ્લ્યાના બીજા જ દિવસે મહેશ્વરીએ કંપનીના બ્રાન્ચ મેનેજરનો સંપર્ક કર્યો હતો.મહેશ્વરીએ કંપનીને આપેલ સહકાર બદલ પ્રતિ કન્ટેનર અમૂક રકમ નક્કી કરી કુલ ૨.૪૦ લાખની લાંચની માગણી કરી હતી.જો લાંચની રકમ નહીં આપવામાં આવે તો ઓડીટ સમયે તકલીફ થશે તેવી ધમકી પણ મહેશ્વરીએ કંપનીના મેનેજરને આપી હતી.
આ ઘટના બાદ કંપનીએ અમદાવાદ સ્થિત સીબીઆઇના વિભાગીય કાર્યાલય સહિત મુંબઇના મુખ્યાલયમાં પણ લેખિતમાં ફરિયાદ કરી હતી.ત્યાર બાદ સીબીઆઇએ આ વાતની ખરાઇ કરી જાળ બીછાવી હતી જેમાં મહેશ્વરી એક લાખ રૃપિયાની લાંચ સ્વીકારતા રંગેહાથો ઝડપાઇ ગયા હતા.સીબીઆઇએ ત્યાર બાદ તેમના ઘરે કાર્યવાહી હાથ ધરી સાડા દસ લાખ રૃપિયાની રોકડ પણ જપ્ત કરી હતી.
