– મુંબઇના એર કાર્ગો કોમ્પ્લેક્સમાંથી ગત વર્ષે પાંચ કિલો દાણચોરીનું સોનું જપ્ત કર્યું હતું
મુંબઇ : ડિરેકટોરેટ ઓફ રેવેન્ય ઇન્ટેલિજન્સ (ડીઆરઆઇ) મુંબઇના અધિકારીઓએ ઝવેરી બજારમાંથી જ્વેલર્સ પિતા,પુત્રની ધરપકડ કરી છે.અગાઉ ડીઆરઆઇએ રૃા.૨૧ કરોડની કિંમતનું ૩૬ કિલો બિનહિસાબી સોનું જપ્ત કર્યું હતું.આ મામલામાં વધુ કાર્યવાહી કરવામાં આવી છે.આ વર્ષે જાન્યુઆરીમાં કેન્દ્રીય એજન્સીએ સોનાની દાણચોરી કરતા સિન્ડિકેટનો પર્દાફાશ કર્યો હતો.એમાં વિદેશી નાગરિકો પણ સામેલ હતા.
કાલબાદેવીમાં એક વર્કશોપ પર દરોડા પાડયા હતા.જ્યાં દાણચોરી કરાયેલા સોનાની ઓગાળવા અને વિવિધ પ્રક્રિયા કરવામાં આવી રહી હતી.ડીઆરઆઇએ રૃા.૨૧ કરોડનું બિનહિસાબી સોનું કબજે કર્યું હતું.સૂત્રોએ જણાવ્યુ ંહતું કે ‘ડીઆરઆઇની ટીમે ઝવેરી બજારમાં ધર્મરાજ ભોસલે (ઉ.વ.૫૨) અને સૂરજ ભોસલે (ઉ.વ.૨૩)ની ઓફિસ પર દરોડા પાડયા હતા.સોનાની દાણચોરીના રેકેટમાં તેમની સંડોવણીની જાણ થતા બંનેની ધરપકડ કરવામાં આવી હતી.ડીઆરઆઇ માટે આ મહત્વની કાર્યવાહી હતી તેઓ હવે સોનાની દાણચોરી માટેની સમગ્ર સિસ્ટમનો પર્દાફાશ કરવા પર ધ્યાન કેન્દ્રિત કરી રહ્યા છે.તેઓ કાળાબજારમાં સોનાનું વિતરણ અને વેચાણ પર નજર રાખી રહી છે.ડીઆરઆઇની આ કામગીરી મે ૨૦૨૨ના એક કેસ સાથે સંબંધિત તપાસમાંથી મળેલી માહિતી પર આધારિત છે.જેમાં ડીઆરઆઇએ મુંબઇના એર કાર્ગો કોમ્પ્લેક્સમાંથી પાંચ કિલો દાણચોરીનું સોનું જપ્ત કર્યુ હતું.આ મામલાની વધુ તપાસ કરતા વિદેશી નાગરિકોની સંડોવણીની જાણ થઇ હતી.સોનાની દાણચોરીની ચૂકવણી માટે હવાલા નેટવર્કનો ઉપયોગ થતો હતો.
આ માહિતીના આધારે ડીઆરઆઇના અધિકારીઓએ કેટલાક ભારતીય અને વિદેશી નાગરિકોના પ્રવાસની પેટર્ન પર દેખરેખ રાખી હતી.બાદમાં કાલબાદેવીમાં ગોલ્ડ વર્કશોપ પર દરોડા પાડવામાં આવ્યા હતા.એક આરોપીને પકડીને પૂછપરછ કરાતા તેણે કબૂલ્યું હતું કે પ્રવાસીઓ તેમના શરીરમાં કેપ્સ્યુલમાં ટ્રાવેલ બેગ્સ,વિવિધ પ્રકારના મશીનોમાં સોનું સંતાડતા હતા.તેમના પાસેથી સોનું મેળવ્યું હતું.આ આરોપી પાસેથી રૃા.૨૦ લાખથી વધુની બિનહિસાબી રોકડ જપ્ત કરવામાં આવી હતી.
વધુ તપાસમાં જાણવા મળ્યું હતું કે સિન્ડિકેટ દ્વારા કોડના આધારે દરરોજ સ્થાનિક સાથીદારને સોનું પહોંચાડવામાં આવતું હતું.
