નવી દિલ્હી : મૂડી’ઝ ઈન્વેસ્ટર્સ સર્વિસે ભારતનું સોવરેન રેટિંગ ડાઉનગ્રેડ કર્યાના બીજા દિવસે મંગળવારે આઠ નોન-ફાઈનાન્શિયલ કંપનીઓનું રેટિંગ ઘટાડ્યું હતું,જેમાં ઈન્ફોસીસ,ટીસીએસ,ઓએનજીસી જેવી કંપનીઓનો સમાવેશ છે.આ ઉપરાંત તેણે ત્રણ બેકોનું રેટિંગ ઘટાડ્યું હતું,જેમાં એસબીઆઈ, એચડીએફસી બેન્ક અને એક્ઝિમ બેન્કનો સમાવેશ છે.તેણે આ ઉપરાંત ભારતી ઈન્ફ્રાસ્ટ્રક્ચર કંપનો એનટીપીસી,એનએચએઆઈ,ગેઈલ અને અદાણી ગ્રીન એનર્જી રિસ્ટ્રિક્ટેડ ગ્રુપનું રેટિંગ ડાઉનગ્રેડ કર્યું હતું.આઈઆરએફસી અને હુડકોનું રેટિંગ પણ ડાઉનગ્રેડ કર્યું છે.
મૂડી’ઝે કહ્યું હતું કે કોરોના વાયરસને કારણે ભારતનું સોવરેન રેટિંગ ડાઉનગ્રેડ કરાયું અને તેને પગલે આ કંપનીઓ તથા બેન્કોનું રેટિંગ પણ ઘટાડવું પડ્યું છે.ઓએનજીસી,એચપીસીએલ,ઓઈલ ઈન્ડિયા,આઈઓસી,બીપીસીએલ,પેટ્રોનેટ એલએનજી,ટીસીએસ અને ઈન્ફોસીસ એ આઠ કંપનીઓનું લોંગ ટર્મ ઈશ્યૂઅર રેટિંગ ડાઉનગ્રેડ કરાયું છે.આ કંપનીઓનું આઉટલૂક નેગેટિવ કરાયું છે.મૂડીઝે રિલાયન્સ ઈન્ડસ્ટ્રીઝનું ઈશ્યૂઅર રેટિંગ જાળવી રાખ્યું હતું,પરંતુ તેનું આઉટલૂક સ્ટેબલમાંથી નેગેટિવ કર્યું હતું.
મૂડી’ઝે એચડીએફસી બેન્ક અને એસબીઆઈનું લોંગ ટર્મ લોકલ અને ફોરેન કરન્સી ડિપોઝીટ રેટિંગ્સ Baa2થી ઘટાડીને Baa3 કર્યું છે.એક્ઝિમ ઈનડિયાનું લોંગ ટર્મ ઈશ્યૂઅર રેટિંગ પણ Baa2થી ઘટાડીને Baa3 કર્યું છે અને આઉટલૂક નેગેટિવ કર્યું છે.આ બેન્કોનું ડિપોઝીટ રેટિંગ્સ ભારતના Baa3 સોવરેન રેટિંગ જેટલું જ રાખવામાં આવ્યું છે.આ સાથે જ મૂડીઝે એચડીએફસી બેન્કનું બેઝલાઈન ક્રેડિટ એસેસમેન્ટ baa2થી ડાઉનગ્રેડ કરીને baa3 કર્યું છે.તેણે બેન્ક ઓફ બરોડા,બેન્ક ઓફ ઈન્ડિયા,કેનેરા બેન્ક અને યુનિયન બેન્ક ઓફ ઈન્ડિયાનું લોંગ ટર્મ લોકલ અને ફોરેન કરન્સી ડિપોઝીટ રેટિંગ્સ Baa3 કર્યું છે અને તેમનું બીસીએ ડાઉનગ્રેડ માટે રિવ્યૂ હેઠળ મૂક્યું છે.તેણે ઈન્ડસઈન્ડ બેન્કનું લોંગ ટર્મ લોકલ અને ફોરેન કરન્સી ડિપોઝીટ રેટિંગ્સ ડાઉનગ્રેડ કર્યું છે અને આઉટલૂક નેગેટિવ કર્યું છે.
