– પ્રધાનમંત્રી મોદીના હસ્તે આજે અમદાવાદ મેટ્રો પ્રોજેક્ટનું ઉદ્ઘાટન કરાયું
– અમદાવાદ મેટ્રોનું મહત્વ સમજાવવા ગુજરાતી ગાયક અરવિંદ વેગડાએ “મેટ્રો એન્થમ” બનાવી
– “મોદીજીની મેટ્રો આવી રે…ખુશીયો અનેક લાવી રે..” થકી અરવિંદ વેગડાએ મેટ્રોનો અનોખી રીતે પરીચય આપ્યો
– આ ગીતમાં મેટ્રો રૂટની માહિતી પણ સમાવવામાં આવી છે
અમદાવાદીઓનું મેટ્રો ટ્રેનનું સપનું આજે સાકાર થયું છે. પ્રધાનમંત્રી નરેન્દ્ર મોદીના હસ્તે આજે અમદાવાદમાં મેટ્રો ટ્રેનનું ઉદ્ઘાટન કરવામાં આવ્યું છે.ત્યારે ગુજરાતના જાણીતા કલાકાર અરવિંદ વેગડાએ મેટ્રોનું અનોરી રીતે સ્વાગત કર્યું છે.ગાયક અરવિંદ વેગડાએ “મોદીજીની મેટ્રો આવી રે…ખુશીયો અનેક લાવી રે..” થકી અરવિંદ વેગડાએ મેટ્રોનો સંગીતમય રીતે પરીચય આપ્યો છે.જેનો વિડીયો હાલ સોશિયલ મીડિયામાં આકર્ષણનું કેન્દ્ર બન્યો છે.તમે પણ આ વિડીયો જોઈને થનગની ઉઠશો.
ગાયક કલાકાર અરવિંદ વેગડાએ પોતાના અનોખા અંદાજમાં “મોદીજીની મેટ્રો આવી રે…ખુશીયો અનેક લાવી રે..” ખાસ ગીતની રચના કરી છે. આ ગીતમાં અમદાવાદ મેટ્રોનો ખાસ પરિચય આપવામાં આવ્યો છે.સાથે સાથે મેટ્રોના તમામ રૂટની પણ ગીતમાં માહિતી આપવામાં આવી છે.અરવિંદ વેગડા મેટ્રોને આપેલા આ અનોખા આવકારને સૌ કોઈ વખાણી રહ્યા છે.તેમનું “મેટ્રો એન્થમ” ગીત સાંભળીને કોઈનું પણ મન મેટ્રો ટ્રેનમાં બેસવાનું થઈ જ જાય.
મહત્વનું છે કે અરવિંદ વેગડાનું “મોદીજીની મેટ્રો” ગીત વાયુવેગે સોશિયલ મીડિયામાં વાયરલ થયુું છે.તાજેતરમાં સી.આર.પાટીલે પણ પોતાના ટ્વીટર હેન્ડલથી આ ગીત શેર કર્યું હતું.હાલ “મોદીજીની મેટ્રો” ગીત ધૂમ મચાવી રહ્યું છે. “મોદીજીની મેટ્રો” ગીત સૌ કોઈના આકર્ષણનું કેન્દ્ર બન્યું છે.
