છેલ્લા કેટલાક સમયથી ગુજરાતની બધી સીટો પર તાત્કાલીક નિર્ણય આવી ગયો પરંતુ ગાંધીનગરની સીટ ભાજપના બે મોવડીઓ અમિત શાહ અને આનંદી બેન વચ્ચે ગજગ્રાહનું નિમિત્ત બની ગઇ છે.ગાંધીનગરના કમલમમાં ચાલતી ચર્ચાઓ મુજબ આનંદીબેને ગાંધીનગર દક્ષિણની બેઠક માટે દીકરી અનાર પટેલ માટે ટિકિટ માગી અને અમિત શાહને તેમાં વાંધો પડ્યો છે.અમિત શાહ ઠાકોર સમાજના આગેવાન અલ્પેશ ઠાકોરને ત્યાંથી મેદાને ઉતારવા માગે છે પરંતુ ગાંધીનગર દક્ષિણના કાર્યકરો અને આગેવાનો અલ્પેશ ઠાકોરનો વિરોધ કરી રહ્યા છે.
સુત્રોની વાત માનીએ તો અમિત શાહ જૂથનો મત એવો છે કે જો આનંદીબેનની વાત માનીને અનાર પટેલને ટિકિટ આપવામાં આવે તો આખા ગુજરાતમાં ઘેરા પ્રત્યાઘાતો પડશે.વડાપ્રધાન મોદી આ બંન્નેની લડાઇથી નારાજ છે.અત્યારે તો મોદી અમિત શાહનું કહ્યું માનશે પરંતુ અંદરથી નારાજગી યથાવત હોવાનું સુત્રોનું કહેવું છે.ભાજપની અંદરોઅંદરની આ ખેંચતાણના કારણે જ ગાંધીનગર દક્ષિણની સીટ પર હજી ઉમેદવાર છેલ્લી ઘડી સુધી જાહેર નથી કરી શકાયા.વડાપ્રધાન નરેન્દ્ર મોદી માટે વ્યથા ઉભી થઇ છે.હા કહે તો હાથ કપાય અને ના કહે તો નાક કપાય જેવી સ્થિતિનું નિર્માણ થયું છે.સી.આર. પાટીલની તો અગાઉ જ બાદબાકી થઇ ગઇ છે અને હવે શીત યુદ્ધ આનંદીબેન અને અમિત શાહના જૂથ વચ્ચે છે.જો બંન્ને નેતાઓને પુછીએ તો બંન્ને આ વાતનો ઇન્કાર કરી રહ્યા છે આ બધુ ભાજપના કાર્યકર્તાઓને ગણગણાટ છે.
