તપાસનો ધમધમાટ : કેરળમાં મુખ્ય હેડ ઓફિસમાં ITની સર્વે કામગીરીનો રેલો અહીં આવી પહોંચ્યો
મોરબી
મોરબી વાંકાનેર હાઇવે ઉપર આવેલ એબીસી ઇન્પોર્ટ એકસપોર્ટ ઇન્ડિયા પ્રાઇવેટ લિમિટેડ નામની પેઢીમા કેરળથી આઇટી વિભાગની ટીમ દ્વારા સર્વે માટે ત્રાટકી હતી. દરમ્યાન સ્થાનિક અધિકારીઓ પણ તેની સાથે આ કામગીરીમાં જોડાયા હોવાનું જાણવા મળેલ છે અને આ પેઢીની કેરળ ખાતે આવેલી ઓફિસમાં આઇટી વિભાગ દ્વારા મોટાપાયે રેડ કરવામાં આવી છે. જેના ભાગરૂપે આ ઓફિસની અંદર પણ હાલમાં સર્ચ ઓપરેશન ચાલી રહ્યું છે અને મોટા પ્રમાણમાં બેનામી વ્યવહારો સામે આવે તેવી શક્યતાઓ સેવાઇ રહી છે. જયારે મોરબીમાં કેરળ અને રાજકોટ આઈટીની ટીમના સર્વે દરોડાથી ભારે ફફડાટ પ્રસર્યો છે.
મોરબી વાંકાનેર હાઇવે ઉપર સિરામિક ટ્રેડર્સ ની છે જે પૈકીની લાલપર નજીકના આદ્ય શક્તિ ચેમ્બરમાં એબીસી ઇન્પોર્ટ એકસપોર્ટ ઇન્ડિયા પ્રાઇવેટ લિમિટેડ નામની પેઢીમાં હાલમાં કેરળ આઇટી વિભાગના અધિકારીઓ દ્વારા ગુરૂવારે સવારે સર્વે કરવામાં આવતા તેઓની સાથે રાજકોટ આઇટી કચેરીની વિંગના અધિકારીઓ પણ સાથે હોવાનું સુત્રો કહી રહ્યા છે. વધુમાં જાણવા મળતી વિગત પ્રમાણે આ પેઢીનું કેરળની અંદર બહુ મોટું કામકાજ છે અને તેના દ્વારા હાલમાં ભારતના જુદા-જુદા રાજ્યોની અંદર તેમજ વિદેશની અંદર પોતાની બ્રાન્ચો કાર્યરત કરવામાં આવેલ છે તે પૈકીની મોરબી શહેરની અંદર વાંકાનેર હાઇવે ઉપર લાલપર પાસે આવેલી બ્રાન્ચ ઓફિસમાં હાલમાં કેરલના આઇટીના અધિકારી દ્વારા સર્વે ઓપરેશન ચલાવવામાં આવી રહ્યું છે.
મોરબી ઓફિસના ડિરેક્ટર રુચિતભાઈ આશર હોવાનુ અધિકારી સૂત્રો પાસેથી જાણવા મળેલ છે તેમજ મોરબીથી છેલ્લા વર્ષોમાં ઇન્ટરનેશનલ અને ડોમેસ્ટિક માર્કેટની અંદર મોટો વેપાર કરવામાં આવતો હોવાનું જાણવા મળ્યું છે જેથી આગામી દિવસોમાં આ પેઢીના મોટા પ્રમાણમાં બેનામી વ્યવહારો સામે આવે તેવી શક્યતા સેવાઈ રહી છે. મૂળ કેરળના એબીસી મર્કેન્ટાઇલ ગ્રુપ નામની મોટી પેઢી આવેલી છે જેની દુબઈ, કેરલ, કતાર, ઓમાન, મેારબી સહિતની જગ્યાએ એાફીસ છે. કેરળ ઇન્કમટેકસ દ્વારા કેરલમાં એબીસી ગૃપ ઉપર રેડ કરવામાં આવી છે ત્યાં મોટા પાયે સર્ચ ઓપરેશન ચાલુ છે જેના ભાગરૂપે મોરબીમાં પણ એબીસી નામે ઓફિસ ચાલુ હોય જ્યાં ડોમેસ્ટિક એટલે કે દેશની અંદર તેમજ એક્ષ્પોર્ટ કરીને દેશની બહાર ટાઇલ્સ ટ્રેડિંગનો ધંધો ચાલતો હોય ત્યાં ઓફિસમાં હાલ સર્ચ ઓપરેશન ચાલુ છે કેરલના અધિકારીના માર્ગદર્શન હેઠળ રાજકોટ ઈન્કમટેક્સ વિભાગની ટીમ પણ મોરબીમાં આવી છે અને ઉપરોક્ત એબીસીની ઓફીસમાં તપાસ ચલાવાઇ રહી છે.
