– રશિયાના હુમલા પછી યુક્રેનમાં ભારતીયોની સ્થિતિ કફોડી
– એર ઇન્ડિયાની ત્રણ ફ્લાઇટ્સમાં 688થી વધુ ભારતીયોને યુક્રેનથી સુરક્ષિત લવાયા : મોદીએ હાઈલેવલ બેઠક યોજી
નવી દિલ્હી : હાલ રશિયા અને યુક્રેન વચ્ચે ભારે ઘર્ષણ ચાલી રહ્યું છે.આ સિૃથતિ વચ્ચે યુક્રેનમાં ફસાયેલા ભારતીયોને સુરક્ષીત પરત લાવવાની પ્રક્રિયા ચાલી રહી છે.એર ઇન્ડિયાની વધુ ત્રણ ફ્લાઇટ્સ દ્વારા 688 ભારતીયોને યુક્રેનથી પરત લાવવામાં આવ્યા છે.
એક અનુમાન અનુસાર યુક્રેનમાં 16000 ભારતીયો ફસાયેલા છે.તેથી આ પ્રક્રિયા લાંબી ચાલી શકે છે.હાલ યુક્રેનમાં ઠંડીનું પ્રમાણ ચરમસીમા પર છે.એવામાં ફસાયેલા ભારતીયો ભારે મુશ્કેલીનો સામનો કરી રહ્યા છે.
યુક્રેનમાં માઇનસ સાત ડીગ્રી તાપમાન વચ્ચે પગપાળા ચાલીને વિદ્યાર્થીઓ સરહદે પહોંચ્યા હતા અને બહાર નિકળવાનો પ્રયાસ કર્યો હતો.જે પણ ભારતીયો યુક્રેનમાં હાલ ફસાયા છે તેમાં મોટા ભાગના વિદ્યાર્થીઓ જ છે.
યુક્રેનની પોલેંડ અને હંગેરીમાં આવેલી સરહદ પર હાલ પણ હજારો ભારતીયો ફસાયેલા છે.એક ભારતીય વિદ્યાર્થીએ જણાવ્યું હતું કે અહીં તાપમાન માઇનસ 7 ડીગ્રી છે.મને નથી ખબર કે શું કરવું હવે.
રિપોર્ટ અનુસાર યુદ્ધ વચ્ચે યુક્રેનમાં અનેક ભારતીયો પાસે શેલ્ટર અને ભોજન જેવી પણ વ્યવસ્થા નથી.તેમના મોબાઇલ ફોન પણ બંધ થવા આવ્યા છે.હાલ તેમને ચેકપોઇંટ પાર કરવાની અનુમતી નથી આપવામાં આવી.હાલ ભારતીય એરલાઇન્સ દ્વારા આ વિદ્યાર્થીઓ અને ફસાયેલા ભારતીયોને પરત લાવવાની પ્રક્રિયા ઝડપથી ચાલી રહી છે.
