એજન્સી, કીવ : યુક્રેનના હેલિકોપ્ટરે રશિયામાં એક ઓઇલ ડેપો પર હુમલો કરીને તેને ઉડાવી દીધો હતો, એવો રશિયાના અધિકારીઓએ દાવો કર્યો હતો.રશિયાના આક્રમણના એક મહિના કરતાં વધુ સમય પછી યુક્રેનનો પ્રથમ હવાઈ હુમલો હતો. યુક્રેનના હેલિકોપ્ટર્સે રશિયાના બેલગોરોડ ખાતેના ઓઇલ ડિપો કે નજીકના બિઝનેસ સંકુલો પર હુમલો કર્યો હોવાના રશિયાના દાવાની તાકીદે પુષ્ટી થઈ શકી ન હતી. રશિયાની સરકારના પ્રવક્તાએ જણાવ્યું હતું કે રશિયાના વિસ્તારો પરની આ ઘટના બંને દેશોના પ્રતિનિધિઓ વચ્ચેની મંત્રણા સામે જોખમ ઊભું કરી શકે છે.બંને દેશો વચ્ચેના પ્રતિનિધિઓ વચ્ચે શુક્રવારે વીડિયો લિન્ક મારફત મંત્રણા ફરી ચાલુ થઈ હતી.રશિયાન લશ્કરે ચેર્નોબિલ ન્યુક્લિયર પ્લાન્ટ છોડી દીધો.રશિયાના લશ્કરી દળોએ શુક્રવારે ચેર્નોબિલ ન્યુક્લિયર પ્લાન્ટ પરનો તેમનો અંકુશ છોડી દીધો છે.યુક્રેનને આ સંવેદનશીલ જગ્યાનો ફરી અંકુશ મેળવ્યો હતો.યુક્રેના વિદેશ પ્રધાને જણાવ્યું છે કે રશિયાએ આ સાઇટ પર શું કર્યું છે તેની તપાસ કરવા માટે યુએન એટમિક એજન્સીના સહયોગમાં ચકાસણી કરશે અને જોખમમાં ઘટાડો કરવાના પગલાં લેશે.
યુક્રેને પ્રથમવાર રશિયામાં ઘુસી ઓઇલ ડેપો ઉડાવ્યો
