યુરોપમાં મંકીપોક્સ ફેલાયો : સ્પેન, પોર્ટુગલમાં 32 કેસ નોંધાયા

નવી દિલ્હી : સ્પેન અને પોર્ટુગલમાં મંકીપોક્સના ૩૨ કેસ નોંધાયા છે.સ્પેન અને પોર્ટુગલનાં સરકારી સૂત્રોએ જોકે એવી સ્પષ્ટતા પણ કરી હતી કે મંકીપોક્સના આ તમામ ૩૨ કેસ શંકાસ્પદ પણ છે.બીજીબાજુ બ્રિટનમાં પણ મંકીપોક્સના નવા કેસ નોંધાયા હોવાથી આખા યુરોપમાં ચિંતા ફેલાઇ ગઇ છે.બ્રિટનમાં ગયા બુધવારે મંકીપોક્સના સાત કેસ નોંધાયા હતા.
યુરોપના તબીબી નિષ્ણાતોએ એવી માહિતી આપી હતી કે મંકીપોક્સ એક ચેપ છે.આ ચેપ કોન્ગો,નાઇજિરિયા,મધ્ય આફ્રિકા અને પશ્ચિમ આફ્રિકામાં ફેલાય છે.મંકીપોક્સની અસર થવાથી દરદીની માંસ પેશીઓમાં સાજો ચડી જાય.સાથે તાવ આવવો,માથું દુઃખવું,સાંધામાં દુઃખાવો થવો વગેરે લક્ષણો પણ જોવા મળે.જોકે આ લક્ષણો ૨-૪ સપ્તાહ સુધી જ રહે.વળી,મંકીપોક્સને કારણે શીતળા(સ્મોલપોક્સ)પણ થાય છે.
તબીબી નિષ્ણાતોએ એવી સ્પષ્ટતા પણ કરી હતી કે મંકીપોક્સ જીવલેણ નથી.આમ છતાં આ રોગનો મૃત્યુ દર ૧૦ ટકા હોવાનું જાણવા મળે છે.
વિશ્વ આરોગ્ય સંગઠને એવી માહિતી આપી હતી કે અમેે મંકીપોક્સના કેસ બાબતમાં બ્રિટન સાથે ચર્ચા કરી રહ્યા છીએ.બ્રિટનમાં મંકીપોક્સના કેસમાં કોઇ દરદીએ આફ્રિકાનો પ્રવાસ નથી કર્યો.