– રશિયન બિઝનેસમેન એલેક્ષ કોન્યાખીનની સોશિયલ મીડિયામાં જાહેરાત
‘કોઈ રશિયને જ પુતિનની હત્યા કરી નાખવી જોઈએ’ : અમેરિકન સાંસદની વિવાદાસ્પદ ટીપ્પણીને રશિયાએ ક્રિમિનલ એક્ટ ગણાવી
યુક્રેન ઉપર હુમલો કર્યા પછી રશિયન પ્રમુખ વ્લાદિમીર પુતિનનો ચારેબાજુથી વિરોધ શરૃ થયો છે.રશિયાના પાટનગરમાં પણ પુતિનની વિરૃદ્ધમાં દેખાવો થયા હતા.પુતિનથી નારાજ એક રશિયન બિઝનેસમેને તો પુતિનના માથા સાટે ૧૦ લાખ ડોલરનું ઈનામ જાહેર કરી દીધું છે.
રશિયન બિઝનેસમેન એલેક્સ કોન્યાખીને ફેસબુક અને લિંક્ડઈન જેવા સોશિયલ મીડિયા પ્લેટફોર્મમાં એક પોસ્ટ મૂકી હતી.એમાં આ બિઝનેસમેને કહ્યું હતું કે જે વ્યક્તિ રશિયન પ્રમુખની હત્યા કરી નાખે અથવા જીવતા પકડી લેશે તેને ૧૦ લાખ ડોલર એટલે કે અંદાજે ૭.૫ કરોડ રૃપિયાનું ઈનામ આપશે.પોસ્ટમાં લખ્યું હતું,વોન્ટેડઃ ડેડ ઓર અલાઈવ.ફોર માસ મર્ડર.બિઝનેસમેને આંતરરાષ્ટ્રીય કાયદા ટાંક્યા હતા અને દલીલ કરી હતી કે કાયદા પ્રમાણે પુતિન યુદ્ધ અપરાધી છે અને તેની ધરપકડ થવી જોઈએ.
જોકે,એ પોસ્ટનો વિવાદ થયો હતો.લોકોએ આવી પોસ્ટને વાંધાજનક ગણાવીને રીપોર્ટ કર્યો હતો.એ પછી ફેસબુકે પોસ્ટને ડિલિટ કરી દીધી હતી.એ પછી બિઝનેસમેને બીજી પોસ્ટ મૂકીને ખુલાસો કર્યો હતો કે તેનો ઈરાદો પુતિનની હત્યા કરવા માટે કોઈને ઉશ્કેરવાનો ન હતો,પરંતુ પુતિન સામે કાયદાની રીતે કાર્યવાહી થવી જોઈએ તે દર્શાવવાનો હતો.
બીજી તરફ અમેરિકાના સાંસદે પણ આ પ્રકારનું જ નિવેદન આપીને વિવાદ સર્જ્યો હતો.અમેરિકન સાંસદ લિન્ડસે ગ્રેહામે કહ્યું હતું કે રશિયાના કોઈ જ નાગરિકે જ પુતિનની હત્યા કરવા આગળ આવવું જોઈએ. એક ટીવી ઈન્ટરવ્યૂમાં અમેરિકન સાંસદે કહ્યું હતુંઃ જો યુદ્ધને પૂરું કરવું હશે તો રશિયામાંથી જ કોઈએ પ્રમુખ પુતિનને મારી નાખવા આગળ આવવું પડશે.ઐતિહાસિક અને પૌરાણિક કથાઓને ટાંકીને સાંસદ ગ્રેહામે ઉમેર્યું કે બુ્રટ્સે જ જુલિયર સીઝરની હત્યા કરી હતી.તો કર્નલ સ્ટોફોનબર્ગે ૧૯૪૪માં એડોલ્ફ હિટલરની હત્યાની કોશિશ કરી હતી.નરસંહાર રોકવા માટે રશિયન નાગરિકે જ આવો પ્રયાસ કરવો પડશે.અમેરિકન સાંસદની આ ટીપ્પણીનો રશિયાએ ઉગ્ર વિરોધ નોંધાવ્યો હતો.રશિયાએ આ ટીપ્પણીને ક્રિમિનલ એક્ટ ગણાવીને સાંસદ સામે પગલાં ભરવાની માગણી કરી હતી.
