રશિયા અને યુક્રેન વચ્ચેના યુદ્ધ રોકાવવાનું નામ લઇ રહ્યું નથી.રશિયન સેના ન તો પીછેહઠ કરી છે કે ન તો તે રાજધાની કિવ પર કબજો કરી શકી છે.રશિયા યુક્રેનમાં યુદ્ધની વચ્ચે ફરી એકવાર પરમાણુ હુમલાનો ખતરો વધી રહ્યો છે.પુતિન ઘણી વખત કહી ચૂક્યા છે કે જો અમેરિકા અને પશ્ચિમી દેશો યુક્રેનને મદદ કરવાનું ચાલુ રાખશે તો તેના પરિણામો ભયાનક હોઈ શકે છે.હવે પુતિન બેલારુસના તાનાશાહ એલેક્ઝેન્ડર લુકાશેન્કો સાથે પરમાણુ બ્રીફકેસ સાથે જોવા મળ્યા છે.મીડિયા અહેવાલો અનુસાર, ગયા અઠવાડિયે બેલારુસ પહોંચેલા પુતિન પરમાણુ બ્રીફકેસ સાથે જોવા મળ્યા હતા.આ એ જ બ્રીફકેસ છે જેમાં પરમાણુ હુમલા સંબંધિત દસ્તાવેજો અને એલર્ટ એલાર્મ હોય છે.બેલારુસના તાનાશાહ લુકાશેન્કો સાથે પુતિનની તસવીરો સોશિયલ મીડિયા પર ઝડપથી વાયરલ થઈ રહી છે.આ તસવીરોમાં પુતિનની સાથે ઊભેલા વ્યક્તિના હાથમાં કાળી બ્રીફકેસ છે, જે પરમાણુ બ્રીફકેસ હોવાનો દાવો કરવામાં આવી રહ્યો છે.ઉલ્લેખનીય છે કે, ઝેલેન્સ્કી વારંવાર રશિયા દ્વારા યુક્રેન પર રાસાયણિક હુમલાની શક્યતા વ્યક્ત કરી ચૂક્યા છે.હવે ઝેલેન્સ્કીએ મારિયુપોલમાં રાસાયણિક હુમલાની આશંકા વ્યક્ત કરી છે.યુક્રેનિયન બંદર શહેર મારિયુપોલ હજુ પણ ભારે હુમલાની ઝપેટમાં છે, કારણ કે રશિયન દળો ઘેરાબંદી કરી રહ્યાં છે.આ શહેર હવે જર્જરિત સ્થિતિમાં છે.મારિયુપોલના મેયરે દાવો કર્યો હતો કે રશિયન હુમલામાં 10,000થી વધુ નાગરિકો માર્યા ગયા હતા.
રશિયા યુક્રેન યુદ્ધ : ફરી પરમાણુ હુમલાનો ખતરો વધ્યો, ન્યૂક્લિયર બ્રીફકેસ સાથે જોવા મળ્યા પુતિન
