નવી મુંબઇ,તા. 11 જાન્યુઆરી 2023,બુધવાર : એન્ટરટેઈનમેન્ટ જગતની ડ્રામા ક્વીન તરીકે જાણીતી રાખી સાવંત પોતાના સ્ટેટમેન્ટના કારણે ચર્ચામાં રહેતી હોય છે.થોડા સમયથી તે બોયફ્રેન્ડના કારણે ચર્ચામાં છે.રાખીએ બોયફ્રેન્ડ આદિલ વિશે દુનિયાને જણાવ્યું છે ત્યારથી તે ઘણીવાર આદિલ સાથે જોવા મળે છે.આ બંનેની જોડી સોશિયલ મીડિયા પર ઘણી ચર્ચામાં રહે છે.આ દરમિયાન સમાચાર આવી રહ્યા છે કે રાખીએ ફરી એકવાર લગ્ન કરી લીધા છે અને આ વખતે આદિલને તેનો જીવનસાથી બનાવ્યો છે.બંનેની કેટલીક તસવીરો વાયરલ થઈ રહી છે,જેમાં બંનેના હાથમાં કોર્ટ મેરેજ સર્ટિફિકેટ છે.
રાખી અને આદિલ જાહેરમાં બંને ખુલ્લેઆમ એકબીજા માટે પ્રેમ વ્યક્ત કરતા જોવા મળે છે.પરંતુ લાગે છે કે, રાખીએ તેના સંબંધોને નવું નામ આપ્યું છે.રાખી સાવંત અને આદિલ દુર્રાનીએ દુનિયાની નજરથી છુપાઈને બીજા લગ્ન કર્યા છે.આ કપલે કોર્ટ મેરેજ કર્યા છે અને કોર્ટ મેરેજ બાદ બંનેની પહેલી તસવીર પણ સામે આવી છે,જેમાં બંનેના ગળામાં માળા જોવા મળી છે.
આદિલ અને રાખીની કેટલીક તસવીરો સોશિયલ મીડિયા પર સામે આવી છે.આ તસવીરોમાં રાખીએ સફેદ અને ગુલાબી રંગનો શરારા પહેર્યો છે અને બીજી તરફ આદિલ તેના સિમ્પલ લુકમાં જોવા મળી રહ્યો છે.તેણે બ્લેક શર્ટ સાથે ડેનિમ જીન્સ પહેર્યું છે.સામે આવેલી તસવીરમાં બંનેએ પોતાના કોર્ટ મેરેજનું સર્ટિફિકેટ પણ રાખ્યું છે.તે જ સમયે, બીજી તસવીરમાં, બંને તેમના લગ્નના કાગળો પર સહી કરતા જોવા મળે છે.આ ફોટો સામે આવતા જ ફેન્સ ખૂબ જ આશ્ચર્યચકિત થઈ ગયા છે.આદિલ ખાન દુર્રાની રાખી સાવંત કરતા છ વર્ષ નાના છે અને તે એક બિઝનેસમેન છે.
