તાજેતરમાં શહેર ભાજપના યુવા આગેવાન અને જામનગરના પ્રભારી અમિત બોરીચાને ધમકી આપવામાં આવી હોવાની ઘટના સામે આવી હતી.જેને પગલે પોલીસ દ્વારા તરત જ તપાસ હાથ ધરવામાં આવી હતી.અને પોલીસે મિત ઉર્ફે ભાજી રમેશભાઈ ખગ્રામને ગણતરીની કલાકોમાં દબોચી લીધો છે.આ આરોપી સામે અગાઉ પાંચ જુદા જુદા ગુના નોંધાયા હોવાનું તેમજ આરોપી બે વખત પાસા પણ ભોગવી ચુક્યો હોવાનું સામે આવ્યું છે.
જાણવા મળતી વિગત મુજબ, હાલ કેટલાક ગુનાઓ આજ દિવસ સુધી વણઉકેલાયેલા છે.તો બીજીતરફ કેટલાક વગદાર લોકો જ્યારે કોઈ ગુનાહિત કૃત્યનો ભોગ બને છે.ત્યારે પોલીસ ત્વરિત કામગીરી કરીને આરોપીને ઝડપી પાડે છે.આવી જ વધુ એક ઘટના સામે આવી છે.જેમાં રાજકોટ ભાજપના યુવા અગ્રણી તેમજ જામનગરના પ્રભારી અમિત બોરીચાને છરી બતાવી જાનથી મારી નાખવાની ધમકી આપવામાં આવી હતી.આ ઘટનાની સ્થાનિક પોલીસ તેમજ ક્રાઇમ બ્રાન્ચને જાણ થતા પોલીસે ભાજી રમેશભાઈ ખગ્રામની અટકાયત કરી છે.
· જાણો શું હતો આ સમગ્ર મામલો?
રાજકોટ શહેર ભાજપ આગેવાન તેમજ જામનગરના પ્રભારી અમિત બોરીચાએ કહ્યું હતું કે, ‘30 ડિસેમ્બરે સાંજે સાત વાગ્યે હું મારા ઘર પાસે ચોકમાં બેઠો હતો.ત્યારે અમારા લતામાં ઉઠક બેઠક ધરાવતો મિતુ ઉર્ફે ભાજી એકટીવા લઈ ત્યાંથી પસાર થયો. તેમજ મોટે મોટે ગાળો બોલતો હતો.રોડ ઉપર માર્કેટ ભરાયેલી હોવાથી ત્યારે લોકોને રોકી આવતા જતા વાહનોમાં લાકડીના ઘા મારતો હતો.ત્યારબાદ થોડીવારમાં તે મારા ઘર પાસે આવી ગાળો બોલી દુકાનો બંધ કરાવવા લાગ્યો હતો.જેથી મેં તેને સમજાવવાનો પ્રયત્ન કરતા તે તેમજ તેની સાથે રહેલો એક અજાણ્યો વ્યક્તિ મને ગાળો દેવા માંડ્યા હતા.તેમજ મારી સાથે ઝપાઝપી પણ કરવા લાગ્યા હતા.મિત ઉર્ફે ભાજી દ્વારા પોતાની પાસે રહેલી છરી હતી તે વીંઝવા લાગ્યો હતો.બાદમાં મિત ઉર્ફે ભાજીએ તેના મોબાઈલ ફોન પરથી મને ધમકી આપી કહ્યું હતું કે, ‘હું તારા ઘર ઉપર રાતે આવીશ અને તને જાનથી મારી નાખીશ.
