જીવનજરૂરિયાતની વસ્તુઓ સિવાયની કોઈ પણ દુકાનો ખુલ્લી રાખવામાં આવશે નહી
અમદાવાદ, તા.૨૩: કોરોના વાયરસને કારણે કાલે એટલે રવિવારે ૨૨ માર્ચનાં રોજ જનાત કર્ફ્યૂ લાગુ કરવામાં આવ્યો હતો જે બાગ થાળી,તાળી એને ઘંટડી વગાડીને કોરોનાને નાથવા માટે લડતા લોકોનું અભિવાદન કરવામાં આવ્યું હતું.જે બાદ હવે ફરીથી શહેર સહિત રાજય ૨૫ માર્ચ સુધી લોકડાઉન રહેશે.આ દરમિયાન જીવનજરૂરિયાતની વસ્તુઓ સિવાયની કોઈ પણ દુકાનો ખુલ્લી રાખવામાં આવશે તો તેવા તમામ વેપારીઓ સામે પોલીસ ફરિયાદ કરવામાં આવશે.લોકડાઉનનુ પાલન કરાવવા માટે મ્યુનિ.દ્વારા ૧૦૦ થી વધુ અલગ અલગ ટીમો બનાવી છે અને તેઓ ફરજિયાત પણે તમામ દુકાનો અને બજારો બંધ કરાવશે.નહીં કરનારા સામે ઈન્ડિયન પીનલ કોડ અને એપિડેમીક એકટ મુજબ કાર્યવાહી કરવામાં આવશે.આ અંગે મ્યૂનિસિપલ કમિશ્નર વિજય નેહરાએ ટ્વિટ કરીને શહેરીજનોને ચેતવ્યાં છે.તેમણે કહ્યું છે કે,હાલ સોશિયલ ડિસટન્સ અને ભેગા થવાનું ટાળીને કોરોનાના સંક્રમણથી બચો.આ અંગે ડેપ્યુટી મ્યુનિસિપલ કમિશનર મુકેશ ગઢવીએ જણાવ્યું હતું કે,સોમવારથી શહેરના તમામ બજારો અને દુકાનો બુધવાર સુધી બંધ રહેશે.તેમણે ચેતવણી આપી હતી કે,દુકાન કે ઓફિસ બંધ નહીં કરનારા સામે પોલીસ ફરિયાદ કરી સીધા જેલમાં ધકેલી દેવામાં આવશે.દુકાનો અને બજારો ખૂલે નહીં તેની તકેદારી રાખવા કે ખૂલેલી દુકાનો-બજારો બંધ કરાવવા કોર્પોરેશને ૪૦૦ ટીમ બનાવી છે જે શહેરભરમાં ગોઠવાઈ જઈ કડકાઈથી અમલ કરાવશે. કોરોનાના વાઈરસનો નાશ કરવા મ્યુનિ.એ ફાયરના સાધનોથી શહેરનાં ૧૧૦ સ્થળે ૪ કરોડ લિટર એન્ટિવાયરલ દવાનો છંટકાવ કર્યો હતો.ફાયર ટેન્ડરની પાઈપ સાથે બ્લોઅરની ૧૬ નોઝલ ૧૦૦ કિલો પ્રેશરથી અઢી મિનિટમાં ૪૦ લિટર દવા છંટાઈ હતી. એક ફાયર ટેન્ડરમાં ૧૦થી ૧૫ હજાર લિટર પાણીમાં દવા ઉમેરાઈ હતી. નહેરુનગરથી અભિયાન શરૂ થયું હતું.જીવનજરૂરી દુકાનો ચાલુ રહેશે.જેમકે બેન્કો અને રિઝર્વ બેન્ક, ન્યૂઝ પેપર, ટેલિકોમ સેવા, શાકભાજી-ફ્રૂટ, દૂધની દુકાનો, હોસ્પિટલ, મેડિકલ સ્ટોર, લેબોરેટરી, બ્લડબેન્ક, વીજળી, પેટ્રોલ પંપ વગેરે જાહેર જનતા માટે ચાલુ રહેશે.
