– હાઈકોર્ટ દ્વારા આ ચૂંટણીને રદ્દ કરી નાખવામાં આવતા કોંગ્રેસના પ્રવકતા શકિતસિંહ ગોહીલે ટ્વીટ કરી કહ્યું ‘સત્યમેવ જયતે’ : કોંગ્રેસના ઉમેદવારે હાઈકોર્ટમાં અરજી કરી હતી
– ૨૦૧૭ની ધોળકાની ચૂંટણી હાઈકોર્ટે રદ્દ કરી દેવામાં આવતા શિક્ષણમંત્રી ભુપેન્દ્રસિંહ ચુડાસમાને મોટો ઝાટકો : મતની ગણતરીને લઈ કોર્ટ દ્વારા કરવામાં આવ્યુ અવલોકન : હાઈકોર્ટ દ્વારા ૪૨૯ કોસ્ટલ મત ગેરકાયદેસર રીતે બાકાતમાં રાખ્યા હોવાનું અને ચૂંટણીમાં ગેરરીતિ થયાનું જણાવ્યુઃ ગુજરાતના રાજકારણમાં મોટો ભૂકંપ
રાજકોટ તા.૧ર : વર્ષ ર૦૧૭ની ધોળકા વિધાનસભાની ચુંટણીમાં પોસ્ટલ મત ન ગણવાના વિવાદમાં આજે હાઇકોર્ટ શિક્ષણમંત્રી ભુપેન્દ્રસિંહ ચુંડાસમાની વિરૂધ્ધમાં ચુકાદો આપ્યો છે.ચુંટણી અધિકારી તરીકે તત્કાલીન ડે.કલેકટર ધવલ જાની હતા.હાઇકોર્ટે ચુંટણી જ રદ કરી નાખતા કાયદાકીય દ્રષ્ટીએ ભુપેન્દ્રસિંહ ધારાસભ્ય રહયા નથી.તેમનું મંત્રી પદ જોખમમાં મુકાયુ છે.સરકાર માટે આ ચુકાદો મોટા ફટકા રૂપ ગણાય છે.કોંગીના પરાજીત ઉમેદવાર અશ્વિન રાઠોડે રીટ કરી હતી.રાજયસભાની ચુંટણીમાં ભાજપને એક મતની ખોટ પડશે વધુ વિગતો મેળવાઇ રહી છે.ભાજપના વરિષ્ઠ નેતા અને રાજ્યના કાયદા અને શિક્ષણ મંત્રી ભૂપેન્દ્રસિંહ ચુડાસમા જ્યાંથી વિજેતા બન્યા હતા તે ધોળકા વિધાનસભા બેઠકની ચૂંટણી રદ કરવાનો ગુજરાત હાઈકોર્ટે આદેશ કર્યો છે.2017માં ધોળકા વિધાનસભા બેઠક પરથી ચુડાસમા 327 રનની નજીવી સરસાઈથી જીત્યા હતા.એ જીતને કૉંગ્રેસના ઉમેદવાર અશ્વિન રાઠોડે પડકારી હતી અને મતગણતરીમાં ગેરરીતિનો આરોપ મૂક્યો હતો.રિટર્નિંગ ઑફિસર ધવલ જાનીની ટ્રાન્સફર કરવામાં આવી હતી.કૉંગ્રેસના ઉમેદવારે કહ્યું હતું કે મતગણતરીમાં છેતરપિંડી કરવામાં આવી અને 429 બૅલેટ પેપરના મતને ધ્યાનમાં ન લેવામાં આવ્યા.આ મામલે ગુજરાત હાઈકોર્ટે સુનાવણી પછી ચુકાદો અનામત રાખ્યો હતો જેને આજે સંભળાવાયો છે.ગુજરાત વિધાનસભાની 2017ની ચૂંટણીમાં ભુપેન્દ્રસિંહ ચુડાસમાની જીતને હાઈકોર્ટમાં પડકારવામાં આવી હતી.ગુજરાત હાઈકોર્ટે આજે વીડિયો કોન્ફરન્સિંગથી ચૂદાકો આપ્યો હતો.ચુકાદો ભુપેન્દ્રસિંહ ચુડાસમાની વિરૂધ્ધમાં આવ્યો હતો અને કોંગ્રેસના ઉમેદવારની તરફેણમાં ચુકાદો આવ્યો હતો. ધોળકા બેઠકની ચૂંટણી રદ્દ કરવામાં આવી છે.ગુજરાત હાઈકોર્ટે આજે વીડિયો કૉન્ફરન્સિંગથી ચુદાકો આપ્યો હતો.
કોણે શું કહ્યું?
આ મુદ્દે પ્રતિક્રિયા આપતા કૉંગ્રેસ નેતા ભરત સોલંકીએ કહ્યું કે,ગુજરાત હાઈકોર્ટનો આવકારદાયક નિણય.સત્યમેવ જયતે.કૉંગ્રેસ નેતા શક્તિસિંહ ગોહિલે કહ્યું કે,ગુજરાતના કાયદામંત્રીને ગેરકાયદે ચૂંટાયેલા જાહેર કરવામાં આવ્યા છે.ભૂપેન્દ્રસિંહ ચુડાસમાની ચૂંટણી ગુજરાત હાઈકોર્ટ દ્વારા ગેરકાયદે અને રદ ઘોષિત કરવામાં આવી છે. 2017માં ખોટી રીતે એમણે જીત મેળવી હતી.કૉંગ્રેસ નેતા અર્જુન મોઢવાડિયાએ કહ્યું કે,આ લોકશાહીનો વિજય છે.આ હિમશીલાની ટોચ ખરવાની શરૂઆત છે.ભાજપે લોકશાહીનું ખૂન કર્યું છે એનું આ ઉદાહરણ છે.
આ મુદ્દે કૉંગ્રેસ નેતા હાર્દિક પટેલે કહ્યું કે આજે ફરી એક વાર સાબિત થઈ ગયું કે ભાજપ દ્વારા ગુજરાતમાં પંચાયતથી લઈ પાર્લામેન્ટ સુધી ચૂંટણીમાં ગરબડ કરવામાં આવે છે.આજે ગુજરાત હાઈકોર્ટે કેબિનેટ મંત્રીની ચૂંટણીને રદ કરી દીધી છે.મંત્રીએ સત્તાતંત્ર અને રૂપિયાના જોરે 2017ની વિધાનસભા ચૂંટણીમાં ગરબડી કરી હતી.સત્યમેવ જયતે.
